منى هلا: "أنا بمثل علشان بحب الفن مش للفلوس ولا عشان أعجب حد"

قالت الفنانة منى هلا، إنها تحب الفن ولكنها لا تحب العلاقات الاجتماعية المتعلقة به كون حياتها الشخصية ملكاً لها لا تقبل التجريح فيها، وذكرت قائلة: "أنا بحب الفن لكن الحبشتكنات اللى حواليه من سهر وخروج والعلاقات الاجتماعية فى الوسط الفنى أنا مش بحبها ولا بعرف أعملها، أنا لا بمثل علشان خاطر فلوس ولا أنى أعجب حد أنا بمثل لأن دى طاقة جوايا لازم تطلع".

وأضافت منى هلا خلال حوارها ببرنامج "البيت بيتك" الذى يقدمه الإعلاميان رامى رضوان وإنجى أنور عبر فضائية "ten"، أنها لا تهدف لإثارة الزوابع عبر مواقع التواصل الاجتماعى من خلال نشر صور خاصة لها، لافتة إلى إنها لا تتأثر بالسلب من الانتقادات الحادة التى توجه لها، وذكرت قائلة: "أنا بقعد اتفرج عليها واضحك، أنا مثلا مش باكل حيوانات أنا نباتية، وبالنسبة لى قتل الحيوان جريمة، لكن هل ده يدينى الحق إنى أحكم على اللى بياكلوا اللحمة أنهم مش كويسين".

ورداً على سؤال مقدم البرنامج بشأن ردها القاسى على منتقديها بعبارات بلغت حد القذف فى بعض الاحيان قالت الفنانة منى هلا: "الطبيعى انى أى حد هيشتمك فى الشارع هترد عليه"، وتابعت متناقضة: "الألفاظ اللى كتبتها مش بتاعتى، الأدمن اللى كان ماسك الصفحة هو اللى رد وأنا مشيت الأدمن وبتابع الصفحة بنفسى"، ولفتت "هلا" إلى أنها من عائلة منفتحة تقبل التعدد فى الآراء والاتجاهات الفكرية.