حارس عقار وزوجته يستغيثان بـ"محلب" أمام مجلس الوزراء لاختفاء طفلتيهما

نظم حارس عقار بمدينة نصر وزوجته وبعض أقاربهم وقفة على رصيف مجلس الوزراء، ظهر اليوم الخميس، للاستغاثة بالمهندس إبراهيم محلب، رئيس الوزراء، لاختفاء ابنتيهما التوأم منذ يوم الاثنين الموافق 3 فبراير الماضى.

وقال السيد على والد البنتين: "إحنا ناس غلابة من الشرقية وجينا القاهرة عشان نشتغل أنا ومراتى حارسين بعقار بمدينة نصر ومراتى بتطلع الشقق تنضفها وعندى بنتين توأم عندهم 14 سنة، وولد ومن أربع أيام البنتين كانوا رايحين درس ومرجعوش لحد النهاردة هو احنا عشان ناس غلابة محدش بيرد علينا طب نعمل إيه؟.. وبناتنا نجيبهم إزاى؟" .

وأضافت زوجة حارس العقار قائلة: "فى ناس شافوهم وهما رايحين الدرس وكان معاهم بنت صحبتهم واحنا عملنا محضر بقسم أول مدينة نصر ومفيش اهتمام.. حرام عليكوا دول بنات.. أنا قلبى يحترق على بناتى هدى وهدير، وتقدمنا بشكوى أمام مكتب الشكاوى صباح اليوم".