حسن شاهين: معتز مطر طلب منى التوسط له للعمل بإحدى الفضائيات

رد الناشط حسن شاهين، أحد مؤسسى حركة "تمرد، على بث قنوات إخوانية لما أسمته "تسريبات"، والتى وصفها شاهين بالمفبركة وتضمنت بعض الاتهامات لأعضاء الحركة.

وقال حسن شاهين عبر حسابه على موقع التواصل الاجتماعى "فيس بوك"، إن معتز مطر الذى يناضل فى قنوات الإخوان، طلب منه التوسط له لكى يعمل بإحدى القنوات الفضائية.

وكتب "شاهين": "بعد ٣٠ يونيو على طول جه واحد صاحبنا وادانى التليفون وقالى كلم معتز مطر والمهم الباشا اللى عامل فيها ثورى ومناضل وبيدافع عن الحق وشغال فى القناة بتاعة الإخوان قالى نصا "عايز أرجع التليفزيون"، وقالوا كلملى حد عشان أرجع بقى وإن هو كان نفسه يشتغل فى الأون تى فى، وإن احنا نساعده ونكلمله حد يكون واسطة ليه عشان الأمور تمشى".

وأضاف شاهين: "يظهر لما معرفش يوصل هنا قرر يوصل هناك علشان هناك هيعرف يأكل عيش، وده الفرق بين اللى يشوف حاجة غلط هنا أو يكون ليه رأى مخالف وأكل عيشه يقف ويتحمل ويصبر ويحاول يغير لكن ميبعش نفسه للى يدفع أكتر".

واختتم "شاهين" تدوينته: "فرق كبير أنك تكون ثائرا وأنك تكون فى ثورة".