جوا قلبى حكاية نفسى ليكى أحكيها.. بس اوعى تملى منى وللآخر اسمعيها.
دى حكاية حبى ليكى أتولدت معايا.. ولحظة بلحظة فى عمرى حبك بقى أجمل حكاية
اللى فكراه من زمان أنى كنت دايما بمسك فيكى.. كنت أحس بالأمان فى مسكة أيديكى
كبرت وكنتى دايما جانبى ومعايا.. ف فرحى ف حزنى فى همى كنت السند اللى ورايا
بعدت بنا الأيام فترة.. بس كنتى جوا قلبى وعيونى ما أهو أصل حبك أتولد معايا بالفطرة
أنت الصاحبة اللى سرى معاها.. وأنت الصاحبة اللى من غير ما أفكر هامشى وراها
بحب ولادك أكتر ما أنت نفسك تحبيهم.. لأنى بشوف حبى ليكى فى نظرة عينيهم
لو تتعبى قلبى بيحزن ويبكى.. يمكن ما أبين علشان عن وجعك معايا تحكى
وأخفف عنك وأشيل همك.. ما أنا زى ما أنت ليا صاحبتك وأختك وأمك
ومهما هتعدى بيا سنين وسنين.. هايفضل جوا قلبى أغلى حب هو حبك يا صابرين.
ورقة وقلم - أرشيفية
