فيسبوك
واتساب
عام ورا عام
وبتجرى الأيام
وكل واحد فينا جواه أحلام
فيه اللى حلمه تحقق
وفيه اللى عايش فى الأوهام
وفيه اللى بيضحك وجواه علامة استفهام
وفيه اللى مضايق
وبيسلم للحزن ألف سلام
وفيه اللى شايف بكرة
ضحكة وسط ظلام
وفيه اللى متعايق
زى الطير الرايق
بيطير فى دنيا العلام
وفيه وفيه وفيه
ولحد بيسأل ليه
الكل فى متاهة وبيسابق الأيام
وأهو عام وعدى علينا
والتانى جاى قوام
فاتحين بالخير أيدنا
ورافعين راية السلام
سنة 2014
