يا مصر ليه الدمع يزيد
شهيد بيرحل ورا شهيد
يا مصر كفياك أحزان
هو الفرح ملوش مواعيد
صبرتى كتير يا بلدى
والهم كان عليك شديد
ومين يخفف عنك غير
ولادك اللى يفدوكى أكيد
يالا بينا نعيد أمجادنا
ونبنى مصر من جديد
مصر لو قالت هتشكى
ظلم اللى دايما بليد
عايش ياكل من خيرها
وساعة الجد بيهرب لبعيد
يا مصرى قوم هات الأمل
بإيمان وقوة وعزم حديد
يا بلدى النصر قدامنا
بس نحط الأيد ف الأيد
كلنا نبنى بإيد واحدة
ابن حلايب وابن رشيد
يا مصر بكرة الشدة تزول
ومسير الحزن يتبدل عيد
ولادك ضحوا عشان اسمك
يعيش ويا علم ونشيد
المستشار علاء الدين إبراهيم محمود يكتب: صبرتى كتير يا بلدى
الجمعة، 26 ديسمبر 2014 02:12 م
صورة ارشيفية
