محمد زكريا حبيشى يكتب: أحلى من مليون قمر

كل واحدة ليها طعم
إلا أنتِ فيك نبض الكون وسحره
فيكِ ألف وألف طعم !!
دمعتك.. سر ابتسامتك
رِقتك.. لحظة قساوتك
همستِك حتى ف صمتك
كلهم دايبين ف بعض
كل يوم صاينة عهودك
ياللى شملانى وعودك
واللى سحرانى بعودك
عمرى ما استحملت بُعد
شمس طاله من عيونك
بتحاوطنى بنور ونار
قلبى ريشة جوٌه كونك
طايرة ف الليل والنهار
قلبى طير فوقك يرفرف
كل يوم جايلك يعينك
عمره ما احتاج لحظة يعرف
غيرك أنتِ وغير حنينك
ربى خلىّ الحسن كله
ملكك أنتِ ..رهن إيدك
مين لقلبك يوم يقوله
إنى مش قادر أسيبك
افتكرتك عايشة بينا
زينا زى البشر
واكتشفتك حاجة تانية
أحلى من مليون قمر
كل شىء ف الدنيا عادي
مهما غاب ما يهمنيش
إلا أنتِ ساكنة قلبى
اتخلقتى لجل أعيش