فيسبوك
واتساب
جرس الكنيسة والأدان بيرنو فى ودانى
نفسى الصليب ويّا الهلال يتحدوا من تانى
دعوة محمد والمسيح من نبع ربانى
يا بلدنا لمى شملنا واتقوى من تانى
الشرخ باين فى الجدار محتاج لترميمه
وطنا غالى ولا يوم هانسمح أبداً بتقسيمه
مسلم مسيحى ارجع لدينك واقرأ فى تعاليمه
العدرا والمصطفى سكنوا فى وجدانى
جرس الكنيسة والأدان بيرنوا فى ودانى
طول عمرنا
والنيل بيجرى فى دمنا والزرع واحد
الأرض لينا كلنا والرب واحد
واللى يفرق شملنا دا قلبه جاحد
حتى اسألوا جرجس وأحمد وعبد الواحد
يا بلدنا لمى شملنا واتقوى من تانى
صوت الكنيسة والأدان بيرنوا فى ودانى
