صباح الخير يا أحلى قصيدة
وأجمل بنت وأرق حبيبة
يالى عشانك عرفت السهر
وكتبت حروف اسمك ع السحاب
و ع المطر
وسافرت بلاد السما
اجيب لك النجوم
وأحكى عنك للقمر
ياما قولت عنك لليالى
يا أحلى هدية م القدر
أقولك إيه وأنا قلبى مشتاق
مقدرش ليلة ع البعد
ولا أقدر ساعة ع الفراق
مين غيرك يكمل معاى المشوار
مين غيرك ياخدنى للضلة م النار
مين غيرك ينور لى الطريق فى الليل
ويزرع فى أيامى ألف نهار
انت وحدك بتقرى سكوتى
وبتقرى عيونى
وتسافرى لعمرى
تقولى بحبك
أنا حبيبتك أنا أميرتك
أنا أجمل وردة فى بستانك
والغصن الطارح فى شجرة عمرك
بحبك
ومين غيرى راح يقولك
وتستنى منى رد
وتزعلى لو رحت فى لحظة صمت
وأرد ازاى وأنا قتلنى الشوق
و مدوبنى الوجد
بحبك
وعمرى ما أحب غيرك حد
صدقينى مستحيل
صدقينى صعب
يا أجمل ما فيا
يا أجمل ما فى العمر
كفاية إن ضحكت لى معاك الأيام
وعرفت بعد العذاب طعم الأمان
والليل لقيت له آخر
ولقيت فى عيونك ألف فجر
مشاركة
اضف تعليقاً واقرأ تعليقات القراء
مشاركة
