فتيات تتحدى التحرش بهاشتاج "هنتحرش بالرجالة" على "تويتر".. ويؤكدون: هنخليهم مينزلوش من بيوتهم.. وكل ولد ينزل فى إيد مامته.. والشباب يعلقون: لا للعنف.. احميه بدل ما تتحرشى بيه.. وآخرون: أترضيها لأخوكى

الإثنين، 16 يونيو 2014 05:03 م

جانب من التعليقات

كتبت هبة الشافعى

اضف تعليقاً واقرأ تعليقات القراء

مع استمرار ظاهرة العنف ضد المرأة وتفشى جرائم التحرش فى المجتمع المصرى دون وضع قانون رادع يحمى حقوق المرأة من الإيذاء النفسى الذى يقع عليها يوميا فى حياتها، بسبب سلوكيات بعض الشباب ومضايقاتها سواء بالكلمات الجارحة أو بمد اليد للعبث بجسدها، ووصول الأمر أحيانا للخطف والاغتصاب، دشّنت بعض الناشطات على موقع التواصل الاجتماعى "تويتر" "هاشتاج" جديدا ساخرا لترويع الشباب المتحرشين وتهديدهم بأن المرأة تستطيع أن تسترد حقوقها بـ"التحرش بالرجالة"، وذلك كنوع من عرض معاناتهم بأسلوب ساخر، حتى يشعر الشباب بحجم المعاناة التى تعانيها "البنات".

وتباينت ردود الأفعال حول هاشتاج "هنتحرش بالرجالة"، وأرجع البعض تدشينه إلى أنه جاء ردًا على تحرش الرجال والشباب بالسيدات، فيما أوضح البعض أنه مجرد سخرية لـجعل الشباب يشعرون بما تعانيه الفتاة فى الشارع، حيث أصبح فى المركز الأول بين الهاشتاجات الأكثر تداولًا على "تويتر".

ومن أبرز التعليقات الساخرة التى جاءت فى الهاشتاج "هنتحرش بالرجالة عشان يحسوا بينا.. الحق على الراجل لو كان لبسه محترم ما كانش حد اتحرش بيه".

وعلقت أخرى "يا ريت متحطش صورتك على الفيس علشان محدش يعاكسك، مفيش حل للتحرش غير إننا نتحرش بيهم، طبقا لنظرية لكل فعل رد فعل مساوى له فى المقدار ومضاد له فى الاتجاه".

وكان تعليق الشباب على هذا الهاشتاج أكثر سخرية فعلق أحدهم قائلا "احنا نعمل وقفة أدام المجلس القومى لحقوق الرجالة، لازم ناخد كل حقوقنا، وهو مش علشان لابس بنطلون أحمر وجزمة بمبى تتحرشى بيه".

ورفض آخر هذا السلوك ساخرا: "لا للعنف، احميه بدل ما تتحرشى بيه، أترضيها لأخاكى؟"، وأضاف آخر "يعنى احنا واقفين معاكوا وبندافع عنكوا وانتوا تتحرشوا بينا أخص عليكوا بنات آخر زمن".

ورفع آخر شعار "احميه بدل ما تتحرشى بيه"، مضيفا "رجالة بلدنا بيتحرشوا بيهم، والقانون مش عارف يحميهم". وحذرت البنات قائلة "يا ريت الولاد المحترمة متتأخرش عن الساعة 10 علشان محدش يعاكسهم، طول ما الرجاله بتلبس البنطلونات الديقة والاسترتش والأرف ده يستهلوا التحرش بصراحة.. واللى هنشوفه ناكش شعره هنجزهوله بمقص الشجر، طب ولما ينزل ياخد أخته معاه تحميه ولا إيه، فيما قالت أخرى "ونقولهم كلام يخليهم يخافوا وهما ماشين فى الشارع، نخليهم مينزلوش من بيوتهم من الساعة 9".

ورد أحد الشباب قائلا "نفسى ألبس اللى أنا عايزه وانزل الشارع بليل من غير ما أخاف، نفسى أحس بالأمان فى بلدى، وعلق آخر قائلا "النهاردة بنت دخلت عربية الرجالة وقعدت تتحرش بينا واحنا قعدنا ساكتين وخايفين منها".

وعلق آخر "لو سمحتى كدا عيب، ممكن تطلبينى من أهلى فين شهامة بنات البلد اعتبريه أخوكى". ووجهت إحدى الفتيات النصيحة للشباب قائلة "نصيحة لكل ولد حابب ينزل الشارع ياخد مامته فى إيده".