وإحنا صغيرين كنا بنحب الكلاب ونربيهم . كلاب دكر وكلاب نتاية . وعلى قد ما شفت كلاب سمر وبيض وبنى ..عمرى ماشفت كلب "مُتحرش".. !؟
على فكرة الكلاب اللى كنت بأربيها وأنا صغير مش زى الكلاب بتاعة اليومين دول اللى بيحموها بشاور ولها غرفة نوم وسرير وبيشترولها لحمة كلابى مخصوص من عند الجزار.. ﻷ دى كلها كانت كلاب شوارع .. كلاب بلدى .. كلاب جعانة وعيانة ونايمة فى البراندة أو الغيط أو فى الزريبة جنب البهائم والحمير.. ماشفتش كلب من الكلاب دى اللى عايشة فى الزريبة أو الشارع أو الغيط اتحرش أو اغتصب كلبة.. !؟
للأسف اكتشفت أن الكلاب اللى معندهاش عقل ومبيحكمش تصرفاتها غير الغريزه طلعت محترمة وعندها مبدأ.. عمر غريزتها ماغلبت على مبدأها .
مش عارف أوصف المتحرشين من البشر دول بإيه.. لو قلت عليهم كلاب .. هأكون بـ أمدحهم وبـ أشتم الكلاب .. فى واقعة التحرش بالتحرير كل من دبر وأوعز وتحرش وصور ونشر وتاجر بما صور كلهم لم يرقوا فى أخلاقياتهم لمصاف الكلاب .. !؟
صورة أرشيفية
مشاركة
اضف تعليقاً واقرأ تعليقات القراء
مشاركة
