فيسبوك
واتساب
سرق قلبى بنظرة عين
وطار يومها على بيته
وماعرفتش طريقه منين
ولا غاب عنى ونسيته
خطف عقلى وزاد الشوق
رمانى بعزم إيده لفوق
ولا سماش على قلبى
ولا قدرتش ساعتها أفوق
وليه بدلاله حيرنى
وشرقنى وغربنى
ويزعل لو أغيب عنه
وبعيونه يحاسبنى
زرع برموشه غنوايه
حروفها سحر وحكاية
وروحه هايمة حواليا
بترسم فرح جوايا
بيتبسم ف وش الكون
يخلى كل هَمّ يهون
ويوٌعدنى بأمل تانى
ويملكنى بحضن حنون
وآه م الحب وعمايله
ودقه قلب بتحايله
وأنا بعشق كتير قربه
وروحى وروحه يتمايلوا
معبرة عن الحب- أرشيفية
