فيسبوك
واتساب
يا غربة جوة غريب .. من ليل وبيعانى
يافرحة جاية قريب ؟ ولا انتى نسيانى
ياغريب مالك حبيب .. يالمجنى والجانى
يامريض مالك طبيب..يابو قرش بـــــرانى
ليلك كما نهارك
والهم قدامك
وشعر راسك شاب
من غلب أيامك
سنة ورا سنة بتفوت
وصبر ويا سكوت
راجع لبلدك حى؟
ولا راجع فى تابوت
يا غربة وخدانا
يا آهة جوانا
يا شمعة من غير ضى
من نارها كويانا
ابنى بعيد عنه
ولا حتى عارف سنه
وانا اية رمانى ع المر
غير اللى أمر منه
حالنا بيتبدل
وبنجرى ونبدل
لكن أملنا كبير
ومسيرها تتعدل
صورة أرشيفية
