وجاءت المكالمات كالأتى: "مكالمة رقم 1، "ألو لو سمحت فيه 8 محبوسين فى وادى جبال فى سانت كاترين فى عاصفة ثلجية، ولو اتأخرنا عليهم هيموتوا، عايزين نبعت لهم طيارة هليكوبتر تنقذهم حالا وندفع إيجارها مهما يكون"، "ﻷ متأسف يا أفندم مش هينفع، طلب تصريح رحلة الطيارة من السلطات بياخد 10 أيام علشان يطلع".
مكالمة رقم 2: "ألو لو سمحت فيه 8 محبوسين فى وادى جبال فى سانت كاترين فى عاصفة ثلجية، ولو اتأخرنا عليهم هيموتوا، عايزين نبعت لهم طيارة إنقاذ"، "آه طبعاً يا أفندم، هنبعتها فى أسرع وقت، بس ممكن آخد شوية بيانات عن المفقودين؟، اتفضل، جنسياتهم؟، مصريين، ﻷ متأسف يا أفندم كده الموضوع هياخد وقت شوية علشان مفيش أجانب"، "دى كانت مكالمات عملتها النهاردة، وبعدها بساعات شفنا خبر إنقاذ 4 ومقتل 3 ولا يزال البحث جاريا عن المفقود الثامن".
وأكد تامر أنه لم يكن شاهد عيان على الحادث، وأنه لم ير أصدقاءه منذ يوم الجمعة الماضية قبل أن ينطلقوا فى هذه الرحلة، كما نفى الأنباء التى تم تداولها عنه بأنه قام بالاتصال بأحد قيادات الجيش لإغاثة أصدقائه، قائلا: "من الواضح أن وسائل الإعلام بتحب تحط بهارات، ومن الواضح أن كل واحد بيحب يفهم كل حاجة بمزاجه، مبدئياً السادة الصحفيين اللى كاتبين إنى شاهد عيان، أنا ما كنتش فى الرحلة أصلاً، وآخر مرة شفت المجموعة كان يوم الجمعة قبل الفجر بشوية، يبقى شاهد عيان إزاى؟، ثانياً بالنسبة للصحفية المخضرمة بتاعة "المصريون"، أنا لا قلت لك إنى اتهمت ولا طالبت ولا سويت، إيه بقى لازمة البهارات دى؟، ثالثاً نفسى أفهم الناس فهمت إزاى المكالمات اللى أنا كتبتها على أنها للجيش؟ أنا ما كتبتش أى حاجة توضح أنا بكلم مين، ليه بقى اﻷفورة؟".
وتابع قائلا: "رابعاً المكالمات دى كانت لمعارف شخصية بيحاولوا يوصلوا لحد كبير فى الجيش أو الداخلية أو طيارات الإنقاذ بتاع اﻷمم المتحدة أو حتى شركات طيران خاصة، وللأسف الدنيا اتاخرت علشان إحنا ما عندناش نظام إنقاذ محترف ومش مجهز للتعامل مع المواقف دى زائد شوية تهاون من اللى عندهم طيارات، يبقى نقعد نولول بالطريقة اللى الناس عاملاها ولا نضغط إن يبقى فيه نظام إنقاذ محترم؟".
ومن جانبه قال الصحفى، محمد فتحى، إنه قام بالاتصال بمكتب المتحدث العسكرى للقوات المسلحة لإبلاغه بأن هناك شخصا مازال مفقودا بسبب العواصف الثلجية بجبل سانت كاترين، مؤكدا بأنه تم إبلاغه أن طائرات البحث مازالت تمشط مكان الحادث.
وأضاف محمد عبر صفحتة بموقع التواصل الاجتماعى "فيس بوك" قائلا: "اتصلت بمكتب المتحدث العسكرى للقوات المسلحة لإبلاغه بخصوص "محمد رمضان" المفقود الثامن فى عاصفة سانت كاترين الثلجية، وأبلغونى هناك أن طائرة البحث والتمشيط لا تزال مستمرة فى البحث عنه، وأنها هبطت منذ قليل فقط للتزود بالوقود وإعادة التمشيط فى منطقة محيطها 4 كم فى 4 كم، وأن الدليل بلغ المحافظة متأخراً، كما أن محافظة جنوب سيناء أبلغت القوات المسلحة بعد يوم ونصف من الاختفاء".
وتابع قائلا: "إنه فور تلقى مركز عمليات القوات المسلحة فى سانت كاترين صدر قرار بتمشيط المنطقة والبحث عن الناجين، وعدم انتظار الطائرة القادمة من ألماظة وسرعة تمشيط المنطقة من الطائرة الموجودة قرب الموقع رغم كونها غير مجهزة للإنقاذ، وبالفعل استطاعت أن تجد سبعة ولا يزال البحث جارياً عن الثامن، واسمه محمد رمضان وسيظل البحث جارياً خلال الساعات القليلة القادمة فاللهم وفقهم فى العثور عليه وإنقاذه وصبر أهله وعائلته وأحبابه، دعواتكم المخلصة، ملحوظة: أبلغونى الآن أن ضمن فرقة التمشيط مجموعة من القوات الخاصة مجهزة بمعدات للتسلق".
موضوعات متعلقة..
المتحدث العسكرى: حرس الحدود عثر على جثة مفقود سانت كاترين
القوات الجوية ترسل طائرتين عسكريتين للبحث عن المفقود بجبال كاترين
فودافون: نتعاون مع الجهات المعنية للبحث عن مفقودى سانت كاترين
مصادر: العثور على جثة المفقود الرابع فى منطقة جبلية بسانت كاترين
