الإخوان عايزين إيه؟
وعاملين قلقل
وعايزين يحرقوا البلد
ومش راضيين يسكتوا
لحد دلوقتى ليه؟؟؟؟
طيب أنا راضى ضميركم
مرسى يستاهل
أن حد فى الدنيا
يزعل عليه
طيب اللى هايزعل
هايزعل ليه؟؟؟؟؟؟
هو كان مين بيحبه
غير أهله وعشيرته وجماعته
طيب هما أحرار فيه
خليهم يشبعوا بيه
أنا مش عارف ليه الإخوان
حتى الآن
عندها اقتناع وإيمان
أن مرسى راجع
أنا عايز أعرف
هايرجع أزاى يا ولاد الحلال
هو مرسى
كان بيحكم أصلا عشان يرجع
مرسى كان عايش فى التوهان
وياريت تصحوا بقى من الغيبوبة
أنتم كمان
والله لو الإخوان
بتحب البلد بجد
تعمل فرح
أحنا يا جماعة عايزين
رئيس بجد
مش ضيف شرف
الناس جابت أخرها
فى سنة بلاش قرف
يا جماعة لو حد عارف
إن مرسى عمل حاجة للبلد
وأحنا مش وخدين بالنا يقول
على طول
أنتم مدارين ليه؟؟؟
الجماعة هاتموت نفسها عليه؟
وبيقولك يا النصر يا الشهادة
واللى كتب وصيته
واللى بكلمه بيقول
أنتم بتعبدوا البيادة
أستغفر الله العظيم
هى الناس كرهتكم من شوية
بجد بزيادة
وألف سلامة للمرشد
ولأصحاب السيادة
ورجال المنصة والقيادة
طيب أنا عندى سؤال
أنتم لما كنتم فى الحكم عملتوا إيه؟؟؟؟
للمواطن الفقير والغلبان
غير أن الفقير
بقى أفقر مما كان
كل اللى عمله مرسى
أنه خلى الناس تترحم على أيام مبارك
وتقول دا كان وكان
وكفروا بالثورة والثوار
وجايين دلوقتى أنتم تتكلموا
عن الحرية والأحرار
مش دوركم خالص ولا حتى كان دوركم زمان
طول عمركم بتتكيفوا فى أى وضع كيف ما كان
أنا مش عارف أنتم مكبرين
الموضوع كدا ليه
ولسه بيقولك يكمل مدته
طيب يكمل ليه
وهو قضى على نفسه بنفسه
وكره الناس حتى فى شكله وأسمه
هو أنتم نسيتوا جملة الله يخرب بيتك يا مرسى
طيب والله العظيم سنة كتير قوى قوى عليه
أومال أنتم فاكرين إيه؟؟؟؟
أنتم عملتوا فى نفسكم اللى ماعملوش حد
ومش شاطرين إلا فى المكابرة والكدب والعند
وكأن مفيش حاجة عندكم اسمها عقل
ياريت ترتاحوا شوية وبلاش وجع قلب
أمتى هاتفهموا إن الناس معدش عندها صبر
كان الأول أجهزة الدولة بس ضدكم
دلوقتى بقت كل أطياف الشعب
وكأن مكتوب عليكم تعيشوا فى الغلب
بس المرة دى بسببكم مش بسبب أى حد
صورة أرشيفية
مشاركة
اضف تعليقاً واقرأ تعليقات القراء
مشاركة
