صلاح هدهود يكتب:بعد ما فات الميعاد

من يومين كان الجواب
كانت الكلمة الأخيرة
نهاية بداية مش عتاب


سكتى الخضرا بعيونك
تهت فيها.. كرهت نورها
شفت بيها آخر قرارها
وبكلمتينك دبحنى صوتك! اسمعيني
ده مش أنينى
ياضى بعيونى كنتى سحاب

كنتى كتيييير كنتى بتغنيني
عن الدنيا وماضى قبلك بالحساب
بعد ما عشقتك وشفت انك
هدية من ربى وآخر صبرى
شافت الضلمة غش بسراب
لا كنتى جارية ولا كان الكتاب
يوم أسر الأمير أسباب

قفلتى بغرورك وبالجنون الأبواب
لا عدت آمن ولا آمن من عذاب


إنتى مين إنتى إيه
إنتى كل العذاب
يا ريت ما شفتك ولا يوم عرفتك
يا ريت كنت ما قلتى
يا ريت ما كنت ولا كنتي
ولا بالقرين أصحاب

يا ريت سوق الحلال ما جمعنا
يا ريت اللى كان بينا
ما كان أبدا ولاكنا
يا ريت الماضى كان إنسان
يا ريت أول لقا بلسان
ينطق يقول ويتكلم
ويحكى مين اللى كان يتعلم
ومين صدق
ومين آمن
ومين بيتألم

يا ريت العمر ما هدا
ولا كان النصيب ولا عدا
ولا كانت رسالة
ولا كان الجواب
يا ريت أرض الخيانة بتنطق
ويا ليت شعرى عضم بتراب
يا ريت الخطايا كانت سكتى
وإنتى.. يا توبتى أعظم ثواب


أنا ...؟ وأنا ...؟
وأنا...؟ بكل كتاب
يا ريت ده وصفى مش سباب
يا ريتنى ميت قبل الميعاد عالباب
إنتى مين ومين اللى قال أحباب
كدبك وظنك
ولا اللى كان كداب؟