سيد أحمد الهمشرى يكتب: إلى أم الشهيد محمد مبروك

(محمد) مامتش مازال حى فينـــــــا
وسمعه بودانى بينده علينـــــــــــــا
وبيقول عليكم بوحدة صفوفكــــــــم
ومصر العظيمة نشيلها فى عنينـــــا
. .....
(محمد) بدمه كتب فى الوصيــــــــة
وبيقول يا أمى متبكيش عليــــــــــة
أنا حى لسة وسبقتك لجنـــــــــــــــة
هاتجمعنا فيها السنين الهنيــــــــــــة
. .....
(محمد) مامتش وسايبــــــــلك ولاده
نجوم بعد منه تنور بــــــــــــــــلاده
(محمد) شهيد نال نيشان الشهــــــادة
اللى ربى جعلها لصفوة عبـــــــــاده
. .....
(محمد) مامتش ولا (جيكا) مــــــات
ولا (أبو ضيف) وست البنــــــــــات
ومين إللى ينكر خلود الشهيــــــــــد؟
وربى إللى قال متقلوش أنه مـــــــات
. .....
يا (أم محمد) جميعنـــــــــــــا ولادك
ومصر بولادها خدم عند بابــــــــــك
وشاورى هتلقينا مليون (محمــــــــد)
بنجرى عليكى ونطلـــــــــــب ودادك
. .....