أشـــرف صــلاح الديـن محمـــــود يكتب: تـانـى عبــور

قـوم يا شباب يا أبو قلب جسور . . نمشى طريقنا لتانى عبور
أول عبور كان للتحرير.. واليوم عبورنا للتعمير.. وعبور لقنوات التنوير
تـزيــد عـقولـنا بعلمـنا نـــور
قوم يا شباب يا أبوقلب جسور
**********
(أول عبور)
ـــــــــــــــــ
يـوم ما الجندى المصرى السوبر . . جاب لبلاده نصر أكتوبر
كان العبور يكفاحه عظيم .. والكون بيضربله تعظيم.. بخطة مدروسة وتنظيم
ورضـا المـولى كـان منصــور
قـوم يا شباب يا أبـوقلب جسـور
**********
(تانى عبور)
ــــــــــــــــــ
يـوم ما حيبقـى العلـم طريــق . . وكتابنــا فى أيـدينـا صديــق
وعى الشباب فى الكون حيزيد.. يقرأ فى بحور النت جديد.. اللى بيمشى مع التقاليد
دا احنـا وطــن لمبـادئـه جــذور
قـوم يا شباب يا أبـوقلب جســور
**********
يـوم ما نحـول أرض الصحـرا . . لأحلى جنايـن ومدن كبرى
روح الشباب تديها حياه..والحب فيها يملا ضياه.. والجو صافى هناك نلقاه
وأحلـــى عبيــر من أحلى زهــور
قـوم يا شبـاب يا أبـو قلـب جسـور
**********
يـوم ما حنبقـى ملــوك انتــاج . . والجــــودة ع المنتـج تــــاج
صيت م المحيط عدى الخليج.. احنا ملوك غزل ونسيج.. فى الصوف لنا حق التتويج
فـى السجـاد إنتــاج مشهــــــور
قـوم يا شبـاب يا أبـوقلـب جسـور
**********
يـوم ما تكون يا شباب موهوب . . وسفيـر مصر فى أى شعوب
أدب .فنون.وفى أى مجال..دايمًا ولاد النيل أبطال .. لهم فى كل زمان أعمال
واسـم نجـوم بحـروف من نــور
قــوم ياشباب يا أبـو قلـب جسـور
**********
يـوم ما حنبقـى دعــاه للخيـــر . . وايـديـن تشفـى آلام الغيـــر
نبدأ عبورنا لعصر جديد..لا طفل يمشى فى سكة شريد.. ولافيه يتيم محروم ووحيد
تـنبنـى ليــك فى الجنــة قصــور
قـوم يا شباب يا أبـو قلـب جسـور
**********
كـون يا شباب عصفـور سـلام . . لشعوب يجمعها الاسـلام
تلقى صفوف المسلمين.. تجمعها وحدة دنيا ودين.. ضد غزاه أومعتدين
دور إنـســـانـى وأجـــمــــل دور
قـوم يا شباب ياأبـو قلـب جسـور