نصرالدين محمود سالم يكتب: والله يا دولة كبرتى ونولتى

والله يا دولة كبرتى ونولتى
ورخصت عمله وروحتى وهنتى
عدد بالجمله كتير أولادك
ف عز شبابك شاب احفادك
ووسط الهم شربتى غرقتي
والله يا دولة كبرتى ونولتي
كل شويه بيدبحوا فيكي
وانتى بحب تمدى ايديكي
امتى هيعقل ال عاصيكي
قلبى عليكى يا ست الكل
بحلم اشوفك تانى واقفتي
والله يادوله كبرتى ونولتي
شايفه ولادك شوفى كمان
شوفى ازاى عايزين اللقمه

شوفى ازاى ف ولاد مساكين
قبل وبعد كمان الثوره
فين الوحده وفين اللمه
خللى بالك منى يا امي
اوعى فى مره تغيرى شكلك
خللى يا امى فى دمى ملامحك
مهما كبرتى هتفضلى انتى
انتى وانتى وانتى
وانتى اديكى عرفتى
مش بالمال هيجينا امان
ولا بعلاوه تكون كسبان
ايه الفايده لما اتهان
وافضل ابص لنيلك ابكي
والله يا دوله كبرتى ونولتي
وبكره راح احكي
ولا يوم هشكي
انى اناجنبك
واحلف ليكى لا عمرك
ابدا لحظه ما هنتي
والله يادوله كبرتى ونولتي