من كتر حنينى لفرحة بجد
وبسمة تكون من جوه القلب
وبال مرتاح من غير أوجاع
ولا ذكرى أليمة تزيد الهم
عينى بتدمع دمعه حزينة
مش عايزة من جفنى تجف
دمعة تعبت م الأيام
وعايزة فى يوم تطيب وتخف
دمعه حزينة بتبكى بمر
تتمنى سعادة لو لحظه تمر
لكنه دا حلم ومسافر
واظاهر مش ناوى يرد
وكل ما أقول أهى جايه خلاص
أيام فرحة وهنا وآمال
عينى تفتح تانى صباح
على يوم من غير مصباح
ضاع نوره مع الحق وغاب
وفضل ظلم الناس للناس
جرح يخلى الدمعة تئن
قولت فى يوم أسأل واستفسر
منين يا عين بتجيبى الدمع
قلتلى بص فى وشوش الناس
واسأل عيونهم هما كمان
ما هى رخرى بتصرخ م الدمع
وقلتلى خد منى أنا حكمة أصلية
طول ما الدنيا فيها قسوة قلب
وضمير منسى ومش بيحس
وناس للظلم عاشقة
وللحق مش بتحب
هتفضل الدمعة حزينة
ولا يوم منى راح تجف
دمعه حزينة
مشاركة
اضف تعليقاً واقرأ تعليقات القراء
مشاركة
