فيسبوك
واتساب
قال الناشط السياسى، كمال خليل، "الملايين اللى خرجت فى 30 يونيو كانت خارجة ضد الإخوان لأن أحوال معيشتها وأمنها اليومى وصلوا لأدنى درجة فى عام الرمادة (عام حكم الإخوان)، والناس حست بشكل غريزى، أن عام الرمادة لو طال لعام أونصف عام آخر، إنها هتتبهدل أكتر وهتعيش مأساة كبيرة".
وأضاف خليل فى تدوينه على موقع التواصل الاجتماعى "فيس بوك"، " ده الدافع والمحرك الأساسى للغالبية العظمى من الناس، والثوار يقدروا يحشدوا 4 مليون، والفلول وأجهزة الدولة يقدروا يحركوا 2 مليون بس فيه أكتر من 20 مليون اتحركوا لوحديهم، خوفا من عام الرمادة، والناس دى دماغها فى حتة تانية، وطبعا مهياش واقفة على أرضية الثوار، ومهياش خارجة استجابة لتعليمات أجهزة".
وتابع كمال قائلا: "العشرين مليون دول، هيصنعوا تاريخ مصر القادم، وهيكونوا ثوار أكتر من الثوار، ومفيش أجهزة دولة هتقدر تسيطر عليهم وترجعهم تانى، الناس دى مش كنبة بس هيه بتتحرك بحسابات خاصة، لأن أيديها فى النار، مصر الحقيقية جاية وعشان كده لازم الثوار فى الشهور اللى جايه يكون شعاراتهم وبرامجهم عن الفقراء أولا، ومش معنى ذلك أن إحنا ما نعملش دستور بس لازم تفتكروا إن يا ما دساتير جميلة اتعملت فى بلاد كتيرة من العالم، وبعدين فى مجرى الصراع انداس عليها بالجزم".
الناشط السياسى كمال خليل
