فيسبوك
واتساب
يوم 30
كله بيقول يالا السلامة
مهولين اليوم ده ليه
تقولش ده يوم القيامة
فى مؤيد فى معارض
نازل ببدلة أو بالبيجامة
عملوا يوم 30 ده فيلم
خلوه كابوس
وخرابها حلم
وبأذن الله
مخططهم مش هايتم
مجهزين للمعركة
ومحضرين الأسلحة
والخطة باينة ..مفبركة
وعملوها عقدة محبكة
أنزل ..أضرب
دمر ..أخرب
واللى هايسلب
واللى هاينهب
يوم 30
شعبنا يا خسارة
اتقسم اتنين
ليه مشحونين !!
من بعض شايلين
اللى نازل واللى طالع
اللى خايف واللى شايف
مولد فى مصر يوم30
ياخسارة يا مصريين
دلوقتى مش صابرين
مصر هاتضيع من مننا
فى كتير مستنظرين
ومن الخراب مستفدين
لو نحكم عقلنا
نصبرها يكمل حلمنا
ننهض بمصر كلنا
و يتلم تانى شملنا
وده عشمنا فى ربنا
وده عشمنا فى ربنا
صورة أرشيفية
