فيسبوك
واتساب
بهية تنادى ولادى ولادى
ولادها بتصرخ بلادى بلادى
يا ساكنة فى روحى يا وردة فؤادى
بهية بتنده وتسالنى فينى
وتحلف بأرضى ومية وطينى
تطبطب عليا وتمسح أنينى
وتطلب ودادى
بهية تنادى ولادى ولادى
بهية بتحلف بحرقة دموعى ولادى هانونى
وطفيت شموعى
باودع فى خيرى ويحضنى جوعى
كتبتم حدادى؟؟؟
بهية تنادى ولادى ولادى
وتحضن ضيا السيدة والحسين
تنادى يا جرجس ومينا وياسين
محمد وبطرس هانوصل لفين
يا هاحضن ولادى وأشوف يوم ميلادى
يا إما هانكتب رثايا وحدادى
بهية بتصرخ ولادى ولادى
وليه الكل ناسى بلادى بلادى
وصوت الكراسى يزلزل فؤادى
بهية بتصرخ ولادى ولادى.
صورة ارشيفية
