بالصور.. رئيس الوزراء يشهد توقيع اتفاقية مع شركة كورية لزراعة 300 ألف فدان بالقطارة

عدد الردود 0

نصدق مين ولا مين

سمعت عن شركة مصر روسيا للإستصلاح الاراضي وشركة المصرية الخليجية برده والاتنين لهم نفس النشاط وكانوا مشتركين في معرض للزراعة في بداية السنة شهر مارس تقريباً ووزير الزراعة حضر الافتتاح ، بعد كده رحت لمندوب مصر روسيا وطلع بينا على مساحة ارض كبيرة على طريق الواحات وشرح لنا وقال انهم بيستصلحوا الاراضي ويتنازلوا عنها للمواطنين مقابل تسوية الارض ومد شبكة الري وعمل مدقات وتقديم كل ما يحتاجه المواطن مقابل تكلفة عن كل فدان وبعدين المواطن يزرع ولما تيجي لجنة محلب وتقنن السعر لتمليك المواطنين ساعتها يتقدم المواطن بغرض تسجيل الأرض طالما انه بدأ في الزراعة وإلا ستسحب الأرض منه وكان كلامهم مقنع لحد كبير ، المهم لقيت لجنة محلب مطلعة محضر اجتماع لها من ضمن ما قالته أنه ممنوع اي حد يتعامل مع شركات استصلاح اراضي الا بعد التأكد من وزارة الزراعة ، المهم اتصلت بوزارة الزراعة قالوا مفيش حاجة زي كده من الشركتين دول ، بالإضافة انه ظهر خبر على المواقع الاخبارية بيقول انه تم القبض على رئيس مجلس إدارة شركة ما وشخص آخر من الشركة وتم العثور على عقود تنازل وهمية معهم ، طيب دلوقتي نصدق مين ؟ نصدق الوزير اللي يوقع عقود مع شركة زي كده ولا نصدق وزارة الزراعة ولا اللي رد عليا في التليفون من وزارة الزراعة شخص عايز يسوء سمعة الشركات دي ، ومع كده لسه الشركة المصرية الخليجية بتظهر على قناة مصر الزراعية لغاية دلوقتي بس بتتكلم عن نشاطها في زراعة الجوجوبا لكن مسمعتش منهم على القناة انهم بيتنازلوا عن الأرض للمواطنين مقابل حصولهم على مقابل الخدمات المقدمة للمواطنين ، يا ترى نصدق مين ؟؟؟؟؟؟؟؟؟؟؟؟؟؟؟