قال المستشار بهاء أبو شقة، رئيس لجنة الشئون الدستورية والتشريعية بمجلس النواب، إن تعديلات قانون الإسكان التى تقدم بها بفرض ضريبة إضافية على من يمتلك وحدة سكنية إضافية دون إشغال، إنما يقصد به استغلال 10 ملايين شقة مغلقة دون استخدام فى مصر، وفق بيانات الجهاز المركزى للتعبئة العامة والإحصاء.
وأكد أبو شقة، فى تصريحات لـ"اليوم السابع" أنه لم ينظر حين صياغة التعديل لغضب من يمتكلون تلك الوحدات، قائلا: "اللى يزعل يزعل إحنا مش شغالين عند الأغنياء والتشريعات لا تراعى إلا المصلحة العامة".
وأوضح أن تنفيذ تلك التعديلات سيحل جزءا كبيرا من أزمة السكن فى مصر، حيث سيضطر من يملك أكثر من وحدة سكنية دون استغلال أن يبيع وحدته أو أن يدفع ضريبة 10 أضعاف القيمة الإيجارية شهريا، أو قيمة الضريبة العقارية، أو أيهما أكثر.
وأضاف أن من يكون له حق تحصيل تلك الضرائب هى مصلحة الضرائب العقارية.
عدد الردود 0
بواسطة:
د رفعت
معك حق ياريت تكون تصاعديه حسب السعر رااااائع
فيه ناس كتير عندها شقتين وتلاته واكثر وفيه ناس ما عندهاش غرفه واحده كمان اللي عنده فيلا او شقه ب عشرات الملايين لازم يدفع ضريبه
عدد الردود 0
بواسطة:
ممدوح
اين؟
أين ما ينصف أصحاب العقارات القديمة....من يقول أن ايجار الشقة لا يصل إلى عشرة جنيهات ...وإذا طلب المالك من الساكن الخروج تبداء المساومة وكانة أحد الوراثة. ..أين العدالة فى ذلك...متى يصدر قانون ينصف جميع الأطراف؟
عدد الردود 0
بواسطة:
عاطل
أبو شقة ب 4 ج شهريا/ إلغاء الإيجار القديم هو من يحل المشكلة/الناس خايفة تأجر يسرقوا شقتهم.
شوفوا أولا أبو شقة ب 4 ج شهريا/ إلغاء الإيجار القديم هو من يحل المشكلة/الناس خايفة تأجر يسرقوا شقتهم.
عدد الردود 0
بواسطة:
سيادتكم بالطريقة دي بتضرب تسويق العاصمة الإدارية الجديدة يا ريت تفكروا كويس
سيادتكم بالطريقة دي بتضرب تسويق العاصمة الإدارية الجديدة
سيادتكم بالطريقة دي بتضرب تسويق العاصمة الإدارية الجديدة مين يروح يشتري ويشجع العاصمة الإدارية وبلدة ويدخل نفسة في متاهات يا ريت تفكروا كويس ولا هو الموضوع فساد علشان المستثمرين تشتري بثمن رخيص وبعدها يلغي القانون ومصر تخسر كتير والمستثمرين تكسب بجشع؟
عدد الردود 0
بواسطة:
مصرى صريح
دة فية ناس مستهبلة خالص
و بيشتروا با 6 شقق و يدعوا الفقر,انا شخصيا اعرف امثلة كتيرة كدة(خصوصا مصريين الخارج).المصريين اكتر شعب فى العالك بيومن بالحسد و بيدعى الفقر .لو كل شقة دفعت 10 الالف يعمل 100 مليار جنية و احنا مستريحين و الاغنياء اوى يدفعوا 100 الف او 200 الف .امال احنا هننهض ببلدنا بالكلام و الشعارات و الاغانى و لا بالدفع و العمل و التعب.
عدد الردود 0
بواسطة:
مشمش
تصريح مستفز وغير مسئول ..من النائب....
...غير قانون الاسكان واعطى الملاك حقهم وارفع قيمه ايجارات الستينات وانت تجد 1000 حل.....بدلا من قانون الجبايه والضرائب هذه..والذى سيشعل فتنه اخر' ..ف' المجتمع
عدد الردود 0
بواسطة:
أحمد
نعم
الناس مش غبية عارف الناس هتعمل إيه بسبب فهلوتكم علي الشعب؟ هتحول كل فلوسها لذهب بعد انهيار العملة يعني الناس هتخلي مدخراتها ذهب لا جنيه مصري ولا عقارات وخلوها تخرب
عدد الردود 0
بواسطة:
المالك
ياريس/ 320 ش السودان معرض سيارات سرق وضم شقتي التمليك والمسؤلين متورطين/مين الحرامي المهم ده
ياريس/ 320 ش السودان معرض سيارات سرق وضم شقتي التمليك المجاورة والمسؤلين متورطين/أليس بمصرمسؤل شريف. ومين الحرامي المهم ده .
عدد الردود 0
بواسطة:
محمود
هناك لغه افضل من كده
نتمنى ان يكرس مجلس النواب مجهودهم في البحث والاهتمام بما يخدم الشعب لايوجد خبر جيد لصالح الشعب صدر من هذا البرلمان منذ انشاؤه .. كل قرار هو لكسر وسط الشعب وبهدلته الاسلوب الفظ في الكلام هو امر يجعلنا نكره كل شئ
عدد الردود 0
بواسطة:
هههههههههه
واخد بالك
يعنى الى ابوه سيبله شقه طلع عين اهله فيها وسايبها للزمن او لعياله بقت فضيحه والدوله بتجبره عشان يبيعها واحد اشترى شقه بعد ماشاف المر من البلد. كمات احبره انه يبيعها ويوقولك احنا مش شغلين عند الاغنياء اطمن الغنى عنده قصر حضرتك ماتقدرش تقرب له ولا تفكر فى قانون له الغلابه الى بيحفوا وبيشقوا طول عمرهم عشان يجيبوا شقه يمكن تكون سند لابنهم حرام عليكم اتقوا الله فينا بتحطوا السم فى العسل