مرتضى منصور: ميدو عاوز يستخبى فى حازم إمام.. واحد "يصلى" والتانى "يسكر"

قال مرتضى منصور رئيس نادى الزمالك فى مؤتمر تقديم الأسكتلندى ماكليش المدير الفنى الجديد للفريق: "ميدو كان عاوز يستخبى فى حازم إمام عشان متربى وبيصلى لكن هوا بيسكر وصبر الزملكاوية نفذ من ميدو".

أضاف مرتضى منصور أنه رأى ميدو خارج من أحد البارات سكران إلا أنه رفض وقتها الحديث عن الواقعة لوسائل الإعلام، موجهاً رسالة إلى حسام وصفى والد ميدو قائلاً: "لو أنت مش عارف تربى ابنك، الزمالكاوية هيربهولك، كفاية أنه كان بيحضر التدريبات وهو سكران وبيشتم اللاعبين".

وعلق رئيس الزمالك عن ما قاله ميدو بإحضار شيخ فى الموسم الماضى للحصول على الدورى قائلاً: "بقى فيريرا اللى كان مش طايق نفسه هجيب شيخ يجلس بجواره وهو مانع أعضاء مجلس الإدارة طب هقوله مين ده عشان يركب أتوبيس الفريق".

أنهى مرتضى منصور حديثه بتوجيه الشكر إلى حازم إمام رئيس جهاز الكرة السابق بالنادى قائلاً: "أنا طلبت من حازم ييجى مدير نشاط رياضى وحذرته من المنصب اللى ادهوله ميدو".