رسالة قوية من أبطال مسلسل حد أقصى للتوعية بمخاطر الابتزاز الإلكترونى

قدم تليفزيون اليوم السابع تغطية خاصة حول حرص صناع ونجوم مسلسل حد أقصى على تقديم توعية بمخاطر الابتزاز الإلكترونى وكيفية التعامل معه، حيث أظهر المسلسل أرقام وأدوات التواصل الخاصة بمباحث الإنترنت للإبلاغ عن جرائم الابتزاز الإلكترونى.

وجاءت رسالة أبطال مسلسل حد أقصى كالتالى "الابتزاز مش بس قصة في مسلسل.. ده واقع بيحصل كل يوم لشباب وبنات كتير.. بيبدأ برسالة صورة أو تهديد.. وبعدها خوف وضغط وإحساس إن مفيش مخرج.. لو حد بيبتزك افتكري أن دي مش غلطتك.. وإنك بتتعرضي لجريمة.. اللي بيهددك هو المجرم مش إنتى.. متبعتيش فلوس أو صور، واحفظي أي دليل عندك.. لأنك لو سمعتي كلامه هيضغط عليكي أكتر.. لو اتعرضتي لابتزاز تقدري تقدمي بلاغ لمباحث الإنترنت..  في مديرية الأمن في المحافظة بتاعتك.. ولو المحتوى انتشر أون لاين تقدري تتواصلي مع Speak Up Helpline.. عشان يساعدوكى فى مسح الصور أو الفيديوهات اللى نزلت لك.. وهيوجهوكي لدعم قانوني ونفسي.. ولو حاسة الضغط كبير عليكي أو بتفكري تأذي نفسك.. كلمي حد تثقي فيه.. لأن حياتك أهم.. بنفكرك مفيش أي حاجة تبرر الابتزاز.. المسئول الوحيد هو المجرم اللي بيهدد وبيبتز".

شهدت الأحداث تطورا كبيرا، حيث كشف سامح بسيونى سر إطلاق نار على صباح "روجينا" محاولا قتلها دون أن يعرف، وذلك خلال الحلقة الـ13 من مسلسل حد أقصى، والذى يذاع على قناتى سى بى سى دراما، و سى بى سى، ومنصة Watch it الرقمية.

وواجه سامح بسيونى، أنور محمد مصباح "خالد كمال" طليق صباح بما حدث وأن يتهرب منه من دفع حقه، بعد أن ورطه بالسير وراء سيارة وفجأة أخرج أنور مسدس وأطلق نار عليها، وطالبه بـ5 آلاف جنيه.

واعترف أنور أنه من نفذ عملية إطلاق النار، فهدده سامح بأنه سيحرر محضر ضده، ففاجأه أنور بأنه فى حالة الإبلاغ عنه سيسجن معه وعليه أن يصبر عليه يومين وسيدبر له المبلغ.