تحدث الفنان محمد الشرنوبى عن اختياراته للأعمال الفنية، قائلا: "بخلى قلبى يسوقنى فى اختيار أى عمل، وبتوكل على لله ومبخططش، وماشى ورا قلبى وإحساسى، واللى قريب منى بعمله".
وأضاف محمد الشرنوبى، خلال حلوله ضيفا ببرنامج "السهرة"، المذاع على قناة سى بى سى: "بعمل حساب للناس فى أدوارى لأن هما اللى بيشوفوه، والجمهور أهم حاجة عندى، وطول عمرى بحس إن التمثيل جميل، وعلشان كده عملت فيلم بنات ثانوى".
وتابع الشرنوبى: "عمرى ما كنت بشوف نفسى واد حلو، والشغل مالوش علاقة بشكلى، وفى الآخر احنا مشخصاتية، وده هو الإمتاع اللى بيخلينا مستمرين ويحسسنى إنى شغال، ولو اتعاملت على أن شكلى حلو يبقى اشتغل موديل".
