وعد الفنان محمد رمضان، خلال تقديم برنامجه "مدفع رمضان" المذاع على قناة dmc، فى الحلقة الـ 16 من البرنامج، الكابتن إبراهيم شيكا، بزيارته، فرد عليه :"مستنى نمبر وان نخرج مع بعض، فقال له رمضان: "يمكن أجيلك النهاردة بعد الحلقة وبتشرف وقلبنا معاك عاوزين بطل فى مواجهة التعب".
وابلغ محمد رمضان، الكابتن شيكا بهدية قائلا له: "بلدك بتديك شىء بسيط من مدفع رمضان إنتاج الشركة المتحدة لابن بلدنا وأخونا ومش هنفصح عنه، وأهم حاجة إرادتك وقوتك وصلابتك وهشوفك النهاردة إن شاء الله، وربنا يطمنا عليك وانت هتتخطى المحنة دى على خير، موجها رسالة للجمهور مش هوصيكم عليه وربنا يعينه ويعين عيلته ويفرحنا بشفاه إن شاء الله".
وأكد الكابتن شيكا: "الحمد لله كله هيعدى ويفوت وزى ما ربنا بيدى الداء هيدى الدواء، ثقة فى الله هخف وبحبك يا حبيشة بحبك يا أستاذ محمد".
وكان الفنان محمد رمضان، قال إن برنامج "مدفع رمضان" تم صناعته بمحبة كبيرة للشعب المصري، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: "أنا جاهز أروح كل شبر في مصر علشان نفرح الناس".
