أسئلة غريبة بتيجى لـ" استلام فورى".. شوف رد إسلام فوزى عليها "فيديو"

واصل إسلام فوزى، السخرية بأسلوب كوميدى فى الحلقة الـ 12 من حلقات برنامج "استلام فورى" المذاع على قناة cbc، عن نجوم دراما رمضان 2025.

وخلال الحلقة قال إسلام فوزى: الأستاذ عمرو الموسيقار بيقول إيه هو الذوق الموسيقى للبطل الشعبى؟ معلقا : عمرو الموسيقار بيتكلم عن الموسيقى! شوف يا أستاذ عمرو ذوق البطل الشعبى مبيخرجش فى الأربعة دول وهم "الحكمدار" عم عبد الباسط حمودة، ورضا البحراوى، ومحمود الليثى، وأحمد شيبة".

تابع إسلام فوزى:" تخيل رفاعى الأسطورة داخل يضرب عم عصام النمر على أغنية "البخت" دى حاجة مهزقة جدا، ومش هتمشى". 

وقال إسلام :"وجالى سؤال تانى من حسام من القاهرة بيقول : ليه دايما ابن العيلة الغنية فى المسلسل بيشرب مخدرات؟ الإجابة سهلة جدا علشان ينسى الإهمال الأسرى اللى عايش فيه".

ولفت إلى أن محمود من الجيزة بيسأل هو البطل الشعبى بيسلم على الناس زينا عادى؟، حيث أجاب إسلام فوزى:" البطل مبيعملش أى حاجة زينا ولا بيتعامل عادى مع الناس زينا، لكنه بيسلم عليهم بشكل يعرفك أد إيه هو عارفهم وواحد منهم، بص هو واحد من العيلة الكبيرة وإله الحارة، مافيش حاجة اسمها خصوصيات وكل حاجة مستباحة للبطل لأنه بطل مش عادى زينا".

وقبل ذلك اطلق بودكاست إسلام فوزي يكشف أسرار السوشيال ميديا بروح شبابية تناسب طبيعة الأجيال الشابة في التعامل مع المحتوى الإعلامي على المنصات الرقمية، ويقدم باقة متنوعة من الموضوعات الشبابية، ويقدم بخفة ظل روحًا جديدة للبرامج الاجتماعية ذات تصنيف "اللايت كوميدي".