قالت الفنانة ملك أحمد زاهر: "لو حياتى عمل درامى فأهلى هم أبطال العمل، وأمى هى البطل، علشان تعبت معانا وحملنا عليها كتير، ودايما قراراتها هى صح"، لافتة إلى أنها مرت بفترة صعبة، بسبب خصامها مع شقيقتها، وتم الصلح فيما بينهما.
وأضافت ملك أحمد زاهر، خلال حلولها ضيفة ببرنامج "الستات مايعرفوش يكدبوا" على قناة سى بى سى، "أنه منذ عامين حدث لها موقف وبعده عرفت أن والدها هو النموذج للرجل اللى تتمنى زيه، لأنه يشترى لها ورد وكل حاجة بتحبها ويهتم بها، مؤكدة "عاوزة راجل زى بابا هو أعز صاحب عندى ولو عاوزة أتجوز راجل فيكون زيه".
وتابعت ملك أحمد زاهر: "عاوزة الراجل اللى أتجوزه يكون زى بابا فى الحنية ويخاف عليا ومتفاهم، لأن بابا دايما بيتكلم معايا ويناقشنى ويتفاهم معايا، ويكون هذا الراجل يحتوينى"، مشيرة إلى أن والدها يخاف عليها بشكل كبير.
