أكد الفنان لطفي لبيب، أن المنافسة بينه وبين النجوم الراحلين حسن حسني وعزت أبو عوف لم تخلق بينهم أي مشاكل، قائلا:"عمري ما وقعت في منافسة أو مشاكل مع عزت أبو عوف أو حسن حسني واشتغلنا مع بعض في أعمال كلنا وكنا بنحب بعض بشكل كبير".
وأضاف لطفي لبيب، خلال حواره ببرنامج "أنا والقناع" مع الاعلامية منى عبد الوهاب على قناة الحياة، أنهم كانوا دائمي المقابلة خارج العمل ولم تحدث بينهم أي مشاكل، كاشفا عن موقف واحد سبب مشكلة بسيطة في فيلم عسل أسود، قائلا: "في مرة حصل مشكلة في فيلم عسل أسود ومحمد شرف صور الأول دوري وبعدين اتصلوا بيا وقالوا لى تعالى لأن محمد شرف اللي صور الدور وكان عنده مشكلة في الذاكرة بسبب المرض وطلبت يقبض اجره كامل ولما واقفوا اشتغلت".
وعبر الفنان لطفي لبيب، عن حزنه من النجمين محمد هنيدي وكريم عبد العزيز، متابعا: "اكتر فنان كوميدي ارتحت في الشغل معاه هنيدي وكريم عبد العزيز وهما أصحابي وبنشتغل مع بعض وزعلان منهم مش بيسألوا وبيكملوني في التليفون فقط ومحدش بيجي، وأنا مش هرجع للتمثيل تاني ومستمتع بالكتابة".
تم أضافة تعليقك سوف يظهر بعد المراجعة