كشفت الإعلامية دينا عبد الكريم، عن أشهر 10 أكاذيب يرددها المتخصصون في مجال السوشيال ميديا، وكذلك 10 تحديات تقابل هؤلاء الأشخاص، وذلك في برنامج "شغل عالي" المذاع عبر CBC.
وقالت الإعلامية دينا عبد الكريم: "الكذبة الأولى لما يقولك إدارة الصفحة على مدار الـ24 ساعة، وبعدين تلاقي إدارة الصفحة على مدار الشيفت أو 12 ساعة وكده هتبقى محظوظ جدا لكن الحقيقة 24 ساعة نادر يحدث، والكذبة الثانية أقل ميزانية وأفضل تصميم، ولما تشوف الكلمتين دول جنب بعض لازم تشك وممكن أقل ميزانية وأقل تصميم، لكن منطق الاتنين مع بعض صعب جدا، فالتسويق العظيم لازم يكون هناك إنفاق علشان تحصل على أفضل تصميم".
وتابعت: "الكذبة الثالثة هيقولك الخطة خلصانة من أول الشهر، لأن الراجل اللي بيعملك الخطة شغال في 100 خطة تسويقية تانية في السوشيال ميديا، والكذبة الرابعة هيقولك تقدر تكلمني في أي وقت، ودي جملة لطيفة للعملاء علشان يطمنوهم بأنهم معاهم في أي وقت، وده صعب يحصل، والكذبة الخامسة يقولك عندنا KPIS وأنت مش عارف معناها ولا تفاصيلها وهو يقصد يقولك عندنا طرق لقياس الأداء".
وأكملت: "الكذبة السادسة هيقولك فكرة حضرتك حلوة جدا، ودي نوع من أنواع إنك تريح الزبون، وفيه بعض الشركات تقولك هزودلك المتابعين والـ1000 متابع بـ100 جنيه، والفكرة دي بيضحك عليك بمجموعة أرقام مش هتنعكس على صفحتك، أما الكذبة الثامنة يقولك الصفحة فيها مشكلات تقنية، أما الكذبة التاسعة فيقولك هكسبك أيًا كان المنتج، وبالنسبة للكذبة العاشرة هيقولك هنضيف لك بصمتنا".
تم أضافة تعليقك سوف يظهر بعد المراجعة