رشوان توفيق: السادات جالى فى رؤية وكان بيصرخ بـ"لا إله إلا الله"
تحدث الفنان القدير رشوان توفيق، عن أسرار تلاقيه بالأرواح، مستشهدًا ببعض الرؤى قائلا: "الأولى لقيت عبدالحليم حافظ بيقولى لا يا أستاذ توفيق لا".
تطرق رشوان توفيق لرؤيا أخرى جمعته بالفنان الراحل محمود ياسين، وقال: "الرؤيا الثالثة محمود ياسين كنت في العزاء بتاعه وبعدين شوفت رؤيا بالليل وهو لابس جاكيت أبيض وفى عز شبابه ووسامته في محطة ريفية ناخد بعض بالحضن كلمت عمرو ابنه قلتله قول لماما انا شوفت محمود في رؤيا ومشوفتوش في حياتي لابس الجاكيت الأبيض ده، شاءت الظروف وأنا بقلب في قناة لقيت محمود ياسين بالبدلة اللى انا شوفته فيها ".
رشوان توفيق يكشف رسالة عبدالحليم حافظ له فى المنام
تابع الفنان رشوان توفيق: كلمت عمرو الليثي علشان يبلغ جيهان السادات بالرؤية قالى كلمها على التليفون الأرضى كلمتها وعرفتها بنفسى وحكتلها الرؤيا وقلتلها إن المهندس حسب الله الكفراوي قال إنه شهيد ، قالتلي أتارى حسب الله بقاله مدة مشفنيش ولما شافنى قالى عاوز أكلمك في حاجة.
أضاف الفنان القدير فى لقاء تليفزيوني: "الرئيس الراحل أنور السادات شوفت بنته تتحدث في التليفزيون بتقول عايشة بمعاش بابا وقفت في الشقة وقرأت الفاتحة للرئيس الراحل..وأنا بصلى قبل الفجر عنيا غفلت لقيت إيده اتحطت على إيدى الشمال رفعت عيني لقيت الرئيس السادات لابس بدلة التشريفة اللبني وصرخ وقال "لا اله الا الله " وكررها مرة أخرى ، رديت وقلت : "محمد رسول الله " بعد كده الايد اتسحبت من على كتفى الشمال"، فتحدثت مع الراحل حسب الله الكفراوي وقالى ده شهيد".
تم أضافة تعليقك سوف يظهر بعد المراجعة