شارك الكاتب الشاب آسر إسلام اللبان "اليوم السابع" بـ قصيدة جديدة، بعنوان "تحت شباك بيتها".
وتقول كلمات القصيدة:
أنا زهقت.. الأيام بقت شبه بعضها صدقيني أنا تعبت..
أنا استحملت كتير وياما شلت.. خلاص مبقتش قادر وقرفت..
سيبك من القصايد.. خلينا نتعاتب..
خليني اسمع منك ان قرار الفراق كان مجرد بلاغ كاذب..
قوليلي انك متعذبه ف بُعدي زي ما انا بتعذب..
قوليلي انك بعدتي فتره عشان اتأدب..
خلينا نتكلم بصراحه انا كاره الحريم..
انا مش بعرف افكر ف المستقبل و بتعب جدا من القديم..
عايز انسي اللي فات و انسي اللي حصل ف الماضي..
فا افكر اهاجر للدولارات فا اموت ف نص البحر و عادي..
انا مخي بطل يفكر و مفيش حلول قصادي..
انا قلبي بطّل يحب بعدك و طلع اشاعه انه مش فاضي..
عايش بس عشان افتكر ذكرياتنا وصورنا وايامنا الحلوه..
فا ابقي شاعر واكتبلك قصيده او مغني واغنيلك غنوه..
كل صوره لينا ليها معايا حكاوي..
مكنتش ناووي امسحهم عشان افضل طول الوقت فاكر..
مكنتش حاسس اللي كل ده يحصل ما بنا..
حبيتك بعدد سكان الارض اللي عايزين يخشو الجنه..
متقنعنيش انك مثلا نسيتي سيرتي..
او ان مثلا مش بيجي علي لسانك اسمي..
انك مبتحنيش لصوتي وضحكتي وحتي انفعالي..
ده انا الغالي..زي ما كنتي بتقولي..
و شايف انه احلالي..اني اعيش بطولي..
طول الوقت..
بحاول اني انساكي
مش هقبل اعيش ف ارض انتي بطُّلي عليها بسماكي..
يا سياده القاضي انا راضي بقضائي..
موافق اني اعيش طول العمر بذنب انا معملتوش..
بحُب انا مختارتوش و قصه حلوه صحيت من النوم فجأه واكتشفت اني معشتهاش..
بكره خلاص جيه.. بس انا الشخص الوحيد اللي مجاش..
انا الشخص الوحيد اللي مجبش اخره ومنتهاش..
محبتهاش..انا كنت بحب نفسي..
ومع ذلك كان نفسي.. ماسبهاش
وانا يومي بقي غير اي يوم..
كوبايه القهوه اخر الليل مع اغاني لأم كلثوم..
مش ببقي عايز انام و فنفس الوقت مش عاوز اقوم..
دايما كنت انا الظالم بس دلوقتي انا المظلوم..
كل يوم..
كل يوم بفوت من تحت بابك..
بتمني قلبك يحس بوجودي فا تفتحي شباكك..
كل ليله بألف قصيده واكتبهالك..
بتمني قلبك يحس برسالتي واستني الرد من كلامك..
حياه ممله،طول ما انتي غايبه..
العيون مُطله. علي اعصابي اللي بقت سايبه..
الحرب بدأت..حرب جوايا..
حرب المشاعر اصعب الحروب للغايه..
وانا لقيت نفسي طرف محايد ف الحرب..
مطلوب اني اعاقب عقلي مع ان قلبي هو اللي بدأ بالضرب..
مسير الحرب هتخلص و مسير مشاعري تتراضي..
وهطلعك من صميم قلبي ومن تفكيري
وبكل اراده..
تحت شباك بيتها، ندهت عليها من غير ماتكلم..
فتحت تشوفني وياريتها،ما كانت مشيت قبل ما تسلم..
كتبت قصيده و رميتها، القلوب لما بتقسي احنا بنتعلم..
و انا اتعلمت ان الحب زي النار..
كل ما بتديله بيزيد فا بيحرقك..
عيب عليك لما تكون سبّاح عالمي..
ويجي حمام سباحه صغير ويغرقك
تم أضافة تعليقك سوف يظهر بعد المراجعة