عمرو أديب: "الناس اللى نزلت تصلى الجمعة انهاردة.. هو ربنا قال كدة؟"

أكد الإعلامي عمرو أديب، أن الوضع في الشارع غير مُرضٍ تماما، لأن الكثير من المواطنين غير مدركين ما يحدث في الدول المحيطة بنا، وقال: "برة مصر بيفكروا مين هيكون قادر على إدارة المصانع أيا كان تخصصه عشان يقوم المصانع، هيكشفوا عليهم عشان يقدروا يعرفوا مين صحته هتخليه ينفع يعمل كده، والناس هنا بنقارنا ببرة، أنت تعرف تعمل زي برة كمواطن؟، مستحيل".

وأضاف الإعلامي عمرو أديب خلال برنامج "الحكاية": "أنا متفهم جدا الناس اللى بتركب القطر وهو زحمة ولا المترو في وقت الذروة، ودي حسابات حساسة لأن دي ناس نازلة تسترزق، أنا بتكلم على اللى عاوز يودينا كلنا فداهية، الناس اللي نزلت صلت الجمعة انهاردة، هو ربنا قال كده؟ هو ده الدين يا جماعة؟، مش معقول اللي بتعملوه فينا ده، ليه مصممين توصلولنا لمرحلة وحشة".

واستكمل عمرو أديب: "أمريكا اللى هي أمريكا، رئيسها طلع على الناس قالهم أنه في عشرات الآلاف الناس هتموت، بيتكلم بواقعية شديدة مع الناس لأنهم استهانوا في الأول بالفيروس، وبعدين أنت متخيل أن لو طلع مصل هيقولك هاتولي أول ناس بتوع سوق بشتيل نعالجهم، لا يا حبيبي أنسي أنت متعرفش مين هيعمل فيك ايه صدقني".