خالد صلاح

برعاية سوبر كورة

سوبر كورة

القارئ نصر فتحى اللوزى يكتب: صرخة ألم... والتوك توك

الخميس، 01 أغسطس 2019 10:00 ص
القارئ نصر فتحى اللوزى يكتب: صرخة ألم...  والتوك توك موقف توك توك

مشاركة

اضف تعليقاً واقرأ تعليقات القراء

سيده صرخت بكل الألم الحقونا يا مسئولين                        

صوتها زلزل القــلوب بقلة الحــيلة براكين

اطلب حقى سحلنى خنزير بالسفالة تهجين

مطمن لا حد يحاسبه ولا يصــحى فيه دين

عايش الهبل تحت الكرسى شــايل سكاكين

لسانه نعيق نهيق زعيق للوقاحة براهــين

كرامتها لبن مسكوب على تراب بقـى طين

دموعها ألم فى يوم ريح تاه فيه كل طحين

الحجر الشـجر الطير صرخوا معاها باكيين

يا كل مسئول ليه عن التوكتوك انتم ساكتين ؟!!

 

***

 

عجوز مد إيده بتلاتة جنيه أجرة المشــوار

بص له سـائق التوكتوك وعنيه تطق شرار

قال له وبعدين معاك يا أبو لهب بلاش هزار

الأجرة خمســـة وإلا أنت عقلك صـابه دوار

أبو الشــــيبة قال الشرطة تحكم بينا يا جبار

يا دوب خلص كلامه لقى نفسه جـــنب جدار

بقايا إنسان والشمس طالعة فى عز النــهار

هرب هروب الغراب من نسر فوق الأشجار

كرامة الشعر الأبيض تاهت بمذلة الانكـسار

يا كل مسئول أبكم أنت راعى الشر والأشرار

 

***

 

الرقابة نايمة فى العسل مأنتــــخة مرتاحة

صحى النوم يا حكومة كرامتنا تنادى نواحه

ليه السكوت والتكاتك سكيــنة حاميه دباحة

رايحة جاية خطف بنات بمخدرات ســواحة

جرايم قتل وتهريب تموين نشيـطة دحداحة

إفساد الذوق العام بأغانى خليـــعة ووقاحة

نشر الرذيلة على الملأ بالتوكـــتوك فواحـة

سائق التوكتوك للجشـــع نفســـه وحواحـة

يا كل مسئول صراختنا ليل نهار ليكم قحاحه

أبدلوا اتراح القلب بصحوة الضمير افراحه


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

محمود

تسلم ايدك

بجد تسلم ايدك أنت قلت بعض من اللى الشعب عايز يقوله والشعب بيسأل فين المسئولين التوكتوك قنبلة موقوتة هو سبب كل الجرائم تقريبا فى مصر هو دواليب مخدرات متنقلة والشرطة تعلم جيدا بجد تسلم ايدك ولسانك

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة