هشام سليم: "الصراحة عادة بتزعل.. وأبويا كان بيضربنى علشان أكون صريح"

يرى الفنان هشام سليم، أن الصراحة عادة ما تصيب الشخص بالضيق عندما يتم المواجهة بها، مبينًا بالقول "الصراحة عادة بتزعل، وأنا اتولدت فى بيت أبويا كان بيضربنى علشان أكون صريح لأنى كنت بكدب".

وأضاف سليم، خلال لقائه مع الفنان شريف منير وابنته أسما، ببرنامج "أنا وبنتى" المذاع عبر قناة ON E، أنه لا يحب السوشيال ميديا لذلك قفل حساباته عليها تمامًا، متابعًا "أسوأ حاجة إنك تنقل كلام لحد وتقوله حاجة وتروح للتانى تقوله حاجة علشان متحصلش مشكلة خاصة لو حد بيقول عليك كلام".

وأوضح الفنان هشام سليم، أنه إذ كذب أحد عليه فلا يكتشفه، لأنه يتعامل مع الناس بشخصيته التى لا يغيرها، متابعًا "حصلى كتير ناس كدبت عليا واتوجعت لكن لما بزعل بزعل"، فيما رد عليه الفنان شريف منير قائلاً "أنا لو حد كدب عليا بعرفه".

وأشار هشام سليم، إلى أن الكذاب يستطيع الوصول لما يريده، مستكملاً "عيب الصراحة إنك طول ما أنت صغير الناس بتفتكر انك بتتكبر عليهم أو متهور، ولكن مع مرور الزمن لما الناس تعرف أن شخصيتك كده وبتحب كده ويبتدوا من الحياة يقولوا لا ده بنى آدم صريح، ولكن بتعانى كتير جدًا لغاية ما الناس تقتنع".