خالد صلاح

برعاية سوبر كورة

سوبر كورة
عفوا.. لا يوجد مباريات اليوم

فيفى عبده: الست زى التعبانة مع الست مش عاوزاها تبقى أحسن منها

السبت، 16 فبراير 2019 12:25 ص
فيفى عبده: الست زى التعبانة مع الست مش عاوزاها تبقى أحسن منها فيفى عبده
كتب أحمد عبد الرحمن

مشاركة

اضف تعليقاً واقرأ تعليقات القراء

وجهت الفنانة فيفى عبده نصيحة للسيدات، قائلة: "مفيش حد بيطول منى كلمة، يعنى أنا ممكن أصاحب رجالة وما أصاحبش ستات، والرجالة مش هياخدوا منى غير اللى عاوزة أديهوله، عاوز بصة أو غمزة، لكن مش هتقدر تاخد منى أى حاجة غصب عنى".

وتابعت خلال لقائها مع الإعلامى عمرو أديب: "الست زى التعبانة مع الست مش عاوزاها تبقى أحسن منها" وقالت فيفى إنها تعبت كثيراً فى حياتها وتعلمت أشياء كثيرة، مردفةً: "إنت شهادتك كل الناس واخداها.. أنا شهادتى لا لأن شهادتى شهادة الحياة، الدنيا علمتنى، أنا قعدت مع الغلبان اللى مش لاقى ياكل وقعدت مع الناس الكبار".

وأضافت: "أنا عندى 150 عازف، وكنت أخش البروفة يقولوا المدام جات، وألاقيهم واقفين كلهم"، مستطردة: "أنا عمرى ما شربت حاجة.. أنا مبحبهاش، ولا سجاير، لكن الشيشة اتعلمتها عشان كنت بعمل فيلم المزاد، وخليت محمد الدراوى جوزى يعلمنى أشرب الشيشة إزاى عشان أعمل الفيلم".

وأردفت فيفى عبده: "أنا بحب البلاد العربية وطول عمرى برقص لهم، وبحب أحلام، ومحمد عبده، عشان ملقتش رقاصات رجعت أرقص تانى"، مستطردة: "الرقص لغة مش محتاجة ترجمة، لما بييجى وفد لمصر احنا كنا بنمثل مصر برة، ووزارة السياحة كانت بتبعتنا، رحت الأرجنتين وألمانيا وتحدثت عن مدى أهمية الرقص الشرقى".

وأوضحت فيفى عبده أنها لا تحب الرجال البخلاء، موضحة أنها تحكم على الرجال من ملابسهم، وأخلاقهم.


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

سمير

مرمطك فى الحياة علمتك الفلسفة . كلامك ينبع من الواقع

لكن اخالفك الرأى فى ( الست زى التعبان ) السيدات نصف المجتمع مثلها مثل الرجال . منهن من يحب الخير للناس كلها . وبعضهن يتصف بحب الذات والانانية .. الخ . من صفات البشر المتباينة .

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة