صدر حديثا عن دار كليوباترا للنشر والتوزيع ديوان تحت عنوان "شماعة مشاعرنا اتكسرت" للشاعرة ضحى جبر
ومن قصائد الديوان :
ممنوع الانتظار
الناس في الشارع
بتحارب ليه ؟
وكأن الخوف بيصارع
جُوَّاها المسافات
وطريق بيصاحب نفسه
عكس السكة
وإشارة بعيدة في نص الخط
"ودواير حظر"
بتقفل كل ملامح وشك
لما تبص هناك
علم .. بيكابر ويَّاك
نسر.. تايهة ويَّا المتاهات
والألوان.. بقى فيها اللون الباهت .. غش
حتى الناس بقوا نفس المعدن
نفس الوش
م الدهب الخامل
لنحاس بيكش
ممكن ؟
إنك تعمل ورقة عروسة
مركب صيد
نجمة وكورة وبنت جميلة
وممكن عش
ترسم فيها
كل مايجي في بالك
ممكن ترسم
غلاف الديوان
تم أضافة تعليقك سوف يظهر بعد المراجعة