قارئة تشارك برسوماتها فى مراحل حياتها المختلفة.. وتؤكد: الفضل لبابا وماما

شاركت القارئة هند محمد بهلول من أهالى محلة روح مركز طنطا محافظة الغربية البالغة من العمر 18 سنة، صحافة المواطن بموهبتها فى الرسم.

وقالت القارئة فى رسالتها: "من وأنا فى ابتدائى كانوا صحابى بيقولولى إنتى بتعرفى ترسمى، وكان الرسم اللى نافعنى جدا فى حاجات كتير، مثلا لما بقيت فى إعدادى طورت رسمى وبقيت برسم كرتون، ولما بقيت فى ثانوى طورته أكتر وبقيت اتعلم ارسم خلفيات وصور من على النت و دا كله طبعا من غير ما اخد كورس أو حد يعلمنى".

وأضافت القارئة: "كنت برسم فى ابتدائى بألوان عادية زى اللى أى حد كان بيرسم بيها، لكن لما بقيت فى ثانوى بقيت برسم بفحم وتحبير، والرسم نفعنى برده زى مثلا فى رسومات الأحياء اللى مكانش فيه حد بيعرف يرسمها وكانت صعبة، واتعلمت إن اكتب كلام وارسمه، وطبعا ماما وبابا السبب فى كدا لأن بابا كان فى كلية فنون تطبيقية وبيرسم وأنا أخدت الموهبة دى منه، وماما وبابا كمان شجعونى على كدا، وبيقفوا جمبى ويساعدونى، وهما أكتر حافز ليا وهما السبب فى أى حاجة حلوة أنا وصلتلها، وصحابى برده على طول بيقولولى متبطليش ترسمى عشان الرسم هو اللى هينقلك فى مكان تانى وكانوا حافز ليا برده، ومستنية أخد كورس عشان أتعلم أرسم أشخاص عشان أرسمهم كلهم واحدة واحدة عشان ميزعلوش ويفضلوا يزنوا عليا".

إحدى رسومات القارئة (1)

 

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.