خالد صلاح

الأخطاء اللغوية لرئيس نادى سموحة تلقى بنجله فى مرمى نيران رواد مواقع التواصل.. مشادات مع نشطاء فيس بوك.. عمر عامر: لما يكون أبويا رئيس لجنة الشباب والنادى يعمل اللى عايزه.. وآخر: "انترلخت دى فى بلجيكا البلد"

السبت، 14 يوليه 2018 12:25 م
الأخطاء اللغوية لرئيس نادى سموحة تلقى بنجله فى مرمى نيران رواد مواقع التواصل.. مشادات مع نشطاء فيس بوك.. عمر عامر: لما يكون أبويا رئيس لجنة الشباب والنادى يعمل اللى عايزه.. وآخر: "انترلخت دى فى بلجيكا البلد" النائب فرج عامر رئيس نادى سموحة ومواقع التواصل
كتب زكى القاضى
إضافة تعليق

فى مفارقة طريفة دخل عمر فرج عامر، نجل النائب فرج عامر، رئيس لجنة الشباب والرياضة بمجلس النواب، ورئيس نادى سموحة، فى نقاش حاد مع أحد الأشخاص على صفحة والده بموقع التواصل الاجتماعى "فيس بوك"، بعد انتقاد الأخير لوالده لكتابته اسم نادى "اندرلخت" البلجيكى خطأ حيث كتبه " انترلخت".

 

بدأ السجال بين الطرفين بعدما كتب محمد الفرماوى تعليقا على بوست للنائب فرج عامر، حول انتقال اللاعب "يامادو توريه" لنادى سموحة، وكتب قائلا:" انترلخت ماشى"، ليشاركه شخصا آخر يدعى أحمد عبد الباسط قائلا:" انترلخت دى فى بلجيكا البلد"، ليستفز مشاعر عمر فرج عامر ويرد عليه:" أعد ساكت يا خايب".

 

1
1

 

الأمر لم يتوقف على المبارزة بين الطرفين، حيث قال عمر عامر:" أنت يعنى فاضى مواركش حاجة عدلة تعملها فى حياتك فبتصحح للناس كلامهم على الفيسبوك؟"، ويستكمل قائلا: "يا عم أنا واحد الحمد الله عندى أب افتخر بيه فى ناس حاقدين بتهاجمه من غير أى سبب وبدافع عنه، أنت إيه مشكلة حضرتك بالظبط بس علشان أفهم؟".

2
2

 

وقام الفرماوى بالرد عليه قائلا: "مبدئيا عشان نبقى متفقين أنا لا بهاجم ولا حاقد وكل شخص لازم يفتخر بوالده ثانيا والدك مش محل اتهام عشان تدافع عنه، ثالثا اللى لازم تعرفه أن والدك شخصية عامة بخلاف رئاسة سموحة هو رئيس اللجنة اللى بتمثلنا كشباب فى مجلس النواب، ومن حقنا كشباب لما نلاقى ممثلنا بيغلط نصححله، الموضوع بسيط يعنى متأزمهاش، ليلتك جميلة".

3
3

 

وقرر الفرماوى بعد وصلة من النقاش بين الطرفين أن يصحح للنجل نفسه، حينما كتب عمر عامر:" عندك حق فى النقطة ده بس لزم أنت برضه تفهم أنا بنى أدم عادى بغض النظر أبويا مركزه إيه عندى مشاعر بتخلينى غصباً عنى انفعل لما الائى حد بيهاجمه أو حاجة كده"، فرد عليه الفرماوى قائلا:"اسمها ألاقى ياسيدى بالعكس والله المفروض تتفاعل وتأخذ الأمور بهزار الدنيا مش مستحملة، ليلتك سعيدة وبالتوفيق لسموحة ومنتظرين الصفقة".

4
4

 

ولم تنته المشكلة عند الانتقاد والتصحيح، فيزيد الفرماوى قائلا:"بالمرة قول للوالد محدش بيعمل لايك لنفسه"، ليرد عليه نجل النائب البرلمانى: "لما يكون رئيس مجلس إدارة نادى سموحة ورئيس مجلس إدارة شركة فرج الله ورئيس لجنة الشباب والرياضة فى البرلمان المصرى يعمل الهو عايزه"، ليرد عليه الفرماوى :" اللى هوا (بتتكتب كدة)".

5
5

إضافة تعليق




التعليقات 2

عدد الردود 0

بواسطة:

Ahmed

ابن فرج دة شكلة عيل زبالة

وعندة نقص

عدد الردود 0

بواسطة:

مشمش

برافوا يا فرناوى..😁😁😁 ..اثلجت صدر كل الزملكاويه

😁😁...ريس لجنه شباب ..ما بعد السبعين...قصدك يا عمر فرج عامر..... كلنا بنضحك مع بعض..فى ليله صيف

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة