خالد صلاح

برعاية سوبر كورة

سوبر كورة

نصر فتحى اللوزى يكتب: أنا وأخى الإنسان

الخميس، 26 أبريل 2018 12:00 م
نصر فتحى اللوزى يكتب: أنا وأخى الإنسان شخص يفكر – صورة أرشيفية

مشاركة

اضف تعليقاً واقرأ تعليقات القراء

يا خريف العمر خلى الصبر عكازك

والخالق يجبر كسورك خليه ملاذك

من غير كلام هو عالم بكل أسرارك

السر زى اليقين شمس بكل احوالك

ملك اليمين يكتب كل طيب بأعمالك

على الشمال اقصف قلمه بصلواتك

خليه قاعد يردد بالطاعة استغفارك

تقل بكفة اليمين فى ميزان حسناتك

جدد توبتك لله كل يوم وقبل ترحالك

بيمينك بفرحة روحك هتستلم كتابك

مش هيبص ولا يعرف حتى شمالك

هتفرح بعطر اذكار الرحمن بلسانك

رطب روحك بحمد الله فى صحيانك

وامشى عكس اتجاه مشى شيطانك

يؤمرك بالسوء دوسه بنعل أقدامك

واحذر شياطين الإنس همه عزالك

وخلى الصبر عليهم يا عين بموالك

نص الليل خلى القيام فيه مشوارك

يبقى قصرك الجنة والنعيم عنوانك

***

يا خريف العمر البعض بقى غيلان

غيلان جمعا لغول يتخفى كشيطان

يبان فى الصحارى يخافه الحيوان

الجاهل بقى العالم بالفتوى سكران

تسمعه يفتى هو عن الأدان نعسان

اقتصادى مدعيا بجهله عالم كمان

جهبذ لأنه الوحيد للاقتصاد فهمان

ميعرفش لمصادر التجارى بميزان

والمدفوعات مش مهم عنده كفتان

سياسى فاهم وكل المخالف غلطان

خبير عسكرى بحب الكلام عطشان

متهرب من الخدمة برخصة الجبان

لو جادلك هزمك نعيقا منه كغربان

لو جادلته علما هرب خزيا كفئران

هاوى كلام يمضغ الغيبة زى لبان

النميمة حب قلبه يقولها بكل اوان

حط نفسه بين المطرقة والسندان

مكبا وجهه فى نار بحصاد اللسان

يا خلق الله العجوز أو شاب بريعان

تعالوا بالجهد بالطاعة فى رمضان

صيام وقيام ودعاء القلوب بالقرآن

نعشق الحق نهجر كل باطل بفرقان

والتوبة لكل قلب ضل للدين العنوان

ربنا يحفظ مصر ينعم علينا بالأمان

دى تذكرة لنفسى ولك أخى الإنسان

***


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة