خالد صلاح
}

وائل عبد الودود حسين يكتب: علشان فورمة الساحل

الأربعاء، 07 مارس 2018 09:00 م
وائل عبد الودود حسين يكتب: علشان فورمة الساحل شاطئ الساحل الشمالى
إضافة تعليق

الصيف أهو داخل

و معاه المشاكل

الكرش لقدام مائل

والواحد مش سائل

والله ما ينفع

القميص اهو فرقع

والزراير انخلعت

ولا كان متوقع

أتارى كان متداري

ولا حد كان داري

تحت بلوفر أو جاكت

عشان البرد اضطراري

تبص فى المراية

تلاقى الكرش حكاية

ومهما تشفط فيه

 

برده ماله نهاية

ومن عندك ويأسك

تقعد تقنع نفسك

اللى ما عنده كرش

ما يسواش قرش

واللى مليان وتخين

تانك ومليان بنزين

لا تقول انا سليم

ده وسواس رجيم

أبدأ وقول يا رجيم

و روح على الجيم

لا تقول انا مش باكل

فين الاكل اللى اتاكل

وطول مفيش رياضة

على الجسم بيتقائل

الحق اضبط نفسك

وعن الاكل امسك

 

قبل ما تلاقى نفسك

مش عارف تاخد نفسك

أصله مش بالساهل

ولا تطنش تتساهل

دى الحكاية تستاهل

علشان فورمة الساحل


إضافة تعليق




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة