رامز جلال
مشاركة
تواصلت ردود الفعل السلبية تجاه برنامج رامز جلال، وانتقد عدد كبير من الفنانين برنامج المقالب الذى يقدمه رامز، وسط اتهامات له بالاستخفاف بالفنانين والمشاهير.
فيما حاول رامز جلال كسب تعاطف الجماهير، ونشرت الصفحة الرسمية للفنان صور من زيارته لمستشفى سرطان الأطفال، مؤكدة أن الزيارة تأتى استجابة لطلب الطفلة فريدة والتى ذهب لرؤيتها بالمستشفى.
.jpg "رامز جلال يزور مستشفى سرطان الأطفال (1)")
.jpg "رامز جلال يزور مستشفى سرطان الأطفال (2)")
.jpg "رامز جلال يزور مستشفى سرطان الأطفال (3)")
مشاركة
تم أضافة تعليقك سوف يظهر بعد المراجعة
عدد الردود 0
بواسطة:
المصرى افندى
تبرع بكام ؟ وبيدفع ضرائب وللا لا ؟؟
يا ترى تبرع للمستشفى بكام مليون من العشرة خمستاشر مليون اللى بيقبضهم كل سنة ؟؟ واللى يقال انهم وصلوا السنة دى لأكثر من عشرين مليون ؟؟ طبعا ولا مليم ؟ شاطر بس فى السخرية ومرمطة الكبير والصغير !!
عدد الردود 0
بواسطة:
عماد نجار
ربنا يشفيها
صورتك مع الجميله فريده .. غفرت كل الاسقاطات والسخافات فى برنامجك رامز تحت الارض
عدد الردود 0
بواسطة:
مشمش
كل ضيوفه عارفين مقدما بالمقلب..وكله تمثيل فى تمثيل ،*و القناه الفضائيه والضيوف كسبانيين الملاييين
مشمش / تحت الارض
عدد الردود 0
بواسطة:
بنت مصرية
الله اعلم بالنوايا ولكن احذر !!
طبعا لو هدفك من زيارة الطفلة فعل الخير فعلا فجزاك الله خيرا وربنا يكتر من امثالك , انما اطفال السرطان مهماش مادة للرياء والشو الأعلامى , واى حد عاوز يكسب تعاطف الناس وحبهم يروح لأطفال السرطان يزورهم ويتصورله معاهم كام صورة ينزلها على الفيس لمجرد ان الناس تقول يا سلام دا راجل طيب وحنين وبيعمل خير !! ميصحش ابدا استغلال المرضى كمادة لكسب الشهرة او التعاطف , ثم يا رامز هذه نقرة وتلك نقرة اخرى , مال رأى الناس فى برنامج رامز تحت الأرض بزيارتك لطفلة مريضة !! ليه ردك على نقد الناس لبرنامجك يكون بنشر صورك اثناء زيارة مريضة !! هو معنى انك بتزور الأطفال المرضى ان برنامجك جميل وهادف ومهواش سخيف ولا بايخ !! لأ على فكرة يا رامز , حتى لو كنت انت اللى بانى مستشفى السرطان اللى بتتعالج فيها الطفلة دى وغيرها , برنامجك سمج وسخيف وبايخ والنكتة لما بتتكرر بتبيخ ومش بتضحك وبالعكس ممكن يبقى دمها تقيل وتنرفز اللى يسمعها بدال ما تضحكه , وانت رافض تعترف ان البرنامج باخ سنة ورا التانية , عاوز تعمل برنامج رمضانى اعمل برنامج هادف الناس تستفيد منه بأى حاجة , بلاش سياسة ادينى فى الهايف اللى انت متبعها !!ده رأيى ورزقى على الله .
عدد الردود 0
بواسطة:
Geo
الممثلين السبب
الناس اللي بتهاجم رامز وانه بيسخر من الممثلين والممثلات. ماهو لو الممثلين مش عاجبهم اللي حصل ابسط حاجه يرجعوا الفلوس اللي اخدوها من البرنامج و يطلبوا بمنع اذاعه الحلقه. بس مش ممكن ده يحصل علشان كل واحد واخد علي الاقل 50.000 جنيه. اذا المشكلة في الممثلين نفسهم مش في رامز. و احقاقا للحق انا كنت مبسوط اوي في ريهام سعيد النهاردة.
عدد الردود 0
بواسطة:
وسام
العيب مش فى رامز
العيب على إللى اخدوا فلوس وقبلوا انهم يتهزئوا .. العيب على إللى باع كرامته مقابل الفلوس .. ولدينا بنعرفهم لان وقت الخوف الحقيقه واللى ف القلب بيطلع ... تلاقى واحد بيشتم وواحد بيوحد الله بتبقى دى اصدق لحظه وبرضه ... مهزئيين إللى قبلوا فلوس مقابل اهانتهم