قال الدكتور جمال فرويز، استشارى الطب النفسى بالأكاديمية الطبية، إن الفوبيا لها أكثر من 4000 نوع متسجلة فى الدليل البريطانى للطب النفسى عالميا، مؤكدا أن كل شىء حاليا يتم إعطائه اسم فوبيا بحسب حالة الخوف المرضى منها ولكنها بالتأكيد يكون لها سبب.
وأضاف فرويز، فى تصريحات خاصة لـ"اليوم السابع"، أن من أغرب أنواع الفوبيا المعروفة حاليا هى فوبيا الكمبيوتر والفيس بوك وتويتر، وكل شىء جديد يتم تشخيصه حاليا على أنه نوع خاص من الفوبيا التى يجب التعامل معها وعلاجها بطرق نفسية ودوائية مختلفة.
ولفت استشارى الطب النفسى، إلى أن أنواع الفوبيا الأكثر شيوعا، تضم الخوف المرضى من الأماكن العالية والمغلقة والضيقة والأماكن المزدحمة والحيوانات والحشرات والحقن والطيران والبشر، وغيرها من أنواع الفوبيا المختلفة حتى إن أنواع فوبيا الحيوانات منقسمة لفوبيا من القطط والكلاب والفئران وأخرى.
وأكد فرويز، أن طرق التعامل مع المريض تكون عبر مواجهته بخوفه من خلال العلاج المعرفى السلوكى الذى يخاطب العقل بمعرفة السبب وتغيير الأفكار وإدراك الشخص لما يحيط به، وكذلك علاج دوائى من خلال مضادات الاكتئاب مع أخذ بعض المطمئنات الدوائية أيضا.
عدد الردود 0
بواسطة:
بنت مصرية
فوبيا من كل شىء !!
اى حاجة فى الدنيا تتخيلوها او متتخيلوهاش ممكن تلاقى ناس عندها فوبيا منها , يعنى مثلا انا ليا صديقة عندها فوبيا من الموز !! هل تتخيلوا ده , بتخاف من صوابع الموز !! وهى طفلة كان خيالها واسع وكانت بتتخيل او اصابع الموز دى اصابع وحوش او شياطين , وكبرت معاها الفوبيا !! سمعت عن حد عنده فوبيا من أنابيب المياه لو كانت ممتده على الحوائط فى الحمام !! علشان يدخل حمام لازم تكون كل مواسير المياه مدفونة ومش ظاهرة !! برضه وهو طفل كان بيحب يلعب بالمياه فى الحمام , وامه علشان تمنعه من العادة دى اقنعته ان مواسير المياه فيها عفاريت !! وان صوت المياه اللى هو سامعه فى المواسير ده ما هو الا صوت العفاريت !! وكبرت معاه العقدة وبقى لو دخل حمام مواسيره مش مدفونة يبقى منظره كأنه داخل على حكم اعدام !! اللى عاوزه اقوله من الكلام ده ان الآباء ميجبش انهم يخوفوا اطفالهم من أى شىء , ولو اتكلمت مع طفلك واكتشفت انه بيخاف من شىء معين اتفاهم معاه واقنعه واثبتله بالأدلة القاطعة ان الشىء ده مفيهوش أى حاجة تخوف لحد ما يبطل يخاف منه !! ومتتعاملش مع الموضوع بسخرية وتحوله لفقرة كوميدية وخلاص !! لأن أغلب أنواع الفوبيا بتنشأ مع صاحبها من طفولته , لأن من شب على شىء شاب عليه !! ولما بيكبر الشخص والفوبيا دى بتشكل مشكلة جوهرية فى حياته بيضطر يلجأ للعلاج النفسى منها , وده بيستغرق وقت طويل ومجهود كان فى غنى عنه لو تمت السيطرة على المسألة من الطفولة !!
عدد الردود 0
بواسطة:
مش مهم.
دي مش فوبيا ..
دي حساب إحتمالات و تخطيط و إفتراض الأسوأ و عدم ترك المجال لأي ظروف أو إحتمالات. -_-