خالد صلاح

برعاية سوبر كورة

سوبر كورة

بالفيديو.. "بوكا بكيا" مبادرة جديدة للحصول على الكتب القديمة

الأربعاء، 01 مارس 2017 05:00 ص
بالفيديو.. "بوكا بكيا" مبادرة جديدة للحصول على الكتب القديمة بوكا بكيا
كتب أحمد إبراهيم الشريف

مشاركة

اضف تعليقاً واقرأ تعليقات القراء

نشرت مكتبة "بوكا بكيا" على صفحتها على مواقع التواصل الاجتماعى، أنه نظرًا لارتفاع أسعار الكتب، وانخفاض مستوى الدخل، والتمسك بالمبادئ وعدم الرغبة فى قراءة الكتب الإلكترونية المسروقة، كلها عوامل خلت بوكابكيا يظهر.

وأضافت المكتبة: "عندنا فى بوكابكيا حلينا لك مشكلة شراء الكتب، كل اللى عليك أنك تدور على كتبك القديمة وتدخل على BookaBikia.com وتقدم طلب تبرع بالكتب، هنتصل عليك وهيجيلك مندوبنا لحد البيت فى خلال أيام ياخد منك كتبك القديمة وفى خلال يومين من استلامنا للكتب هتاخد مكانها رصيد من العملات هيتحط فى رصيدك عندنا، اللى هيخليك بعد كده تقدر تدخل تدور على الكتب اللى أنت عاوزها من مكتبة بوكابكيا اللى اتبرعت بيها ناس تانية، وتطلبها هتلاقى مندوبنا عندك وبيوصلها لك فى خلال أيام" .

وتابع الفيديو المنشور على الصفحة "طب لو معنديش كتب وعايز أشارك فى بوكابكيا، هتخش تشترى رصيد من العملات من بروفايلك وتختار الـpackage اللى أنت عايزها وبعد كده هنستناك برده عشان تتبرع تانى بالكتب دى وتبقى جزءا مننا وتكبر مكتبتنا".

وأشار الفيديو إلى أن "مكتبة بوكابكيا هتخليك تاخد الكتب بدون ما تكون مرتبط بالشخص اللى اتبرع بالكتب دى، يعنى مش لازم عشان تاخد كتاب اللى اتبرع بيه شخص معين إنك تديله كتاب قصاده، وكل الكتب اللى هتتبرع بيها هتبقى موجودة فى المكتبة ومتاحة لكل الناس.


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة