شبت مشادة كلامية على الهواء بين الدكتور عاصم الدسوقى أستاذ التاريخ الحديث، والإعلامية مروج إبراهيم، ببرنامج "ما وراء الحدث"، حول تصريحات الكاتب يوسف زيدان، عن الزعيم الراحل أحمد عرابى.
وقالت الإعلامية مروج إبراهيم: "كان ليك رأى قبل الهوا عن الدكتور يوسف زيدان ووجهت له بعض اللوم، حضرتك عاوز نمشى الموضوع بالطريقة دى مش همشيه بالطريقة دى، أنا مش هشخصن الأمور"، وردت على تساؤل أستاذ التاريخ: "إيه الفرق بين المؤرخ والباحث؟"، قائلة: "أنا لا أخضع لاختبار من ضيف".
وتابع الدكتور عاصم الدسوقى: "إنتى مش عارفة ألف باء فى الموضوع، وأسئلتك مش ناضجة"، واستطردت الإعلامية مروج إبراهيم: "حضرتك متعصب وعندك وجهت نظر عاوز تقولها فى الموضوع، وواضح إن حضرتك مش حابب تكمل الحلقة".
وأنهت الإعلامية مروج إبراهيم الحلقة قائلة: "لسنا متخصصين ونحن كإعلاميين لا ندعى العلم أو لمعرفة، وجبنا أهل العلم، وواضح إنهم مش عاوزين يجاوبونا".
عدد الردود 0
بواسطة:
ياسر
خيبة الأعلام
الدكتور عاصم الدسوقى مؤرخ محترم واستاذ جليل وللأيف تواجد مع مذيعة لاتجيد ادارة الحوار.يجب ان تفهم المذيعة ان القاعدة الاعلامية تقول لاتوجد اجابة غبية لكن يوجد سؤال غبى
عدد الردود 0
بواسطة:
اميره الازهرى
مين المذيعه التافهه دى؟
بجد حاجه مخجله ان فى مذيعات بالشكل ده، زعيق وخناق من غير ما الضيف يكون ليه فرصه يتكلم... لاء ومين الضيف؟ مؤرخ مصر المرموق الدكتور عاصم الدسوقى، عالم من اعلام المؤرخين العالميين نفتخر به وبعلمه. هل معقول قناه تعيين مثل هذه الجاهله لتناقش فى اى شئ يمت بصله للعلم؟
عدد الردود 0
بواسطة:
مراد
للأسف الشديد حسنة المظهر ولكن غبية وغير مهذبة
على ادارة قناة سى بى سى الاعتذار من الاستاذ الجليل الدكتور عاصم الدسوقى على ما بدر من هذه المذيعة من سوء أدب وتعالى وعجرفة على الرجل الذى يجب أن يحترم لسنه قبل علمه , وهل يوجد إعلامي فى الدنيا لا يجهز لحواره حتى يجبر ضيفه على احترامه لإلمامه بموضوع الحوار , المذيعة اللى زى ديه تخليها فى موضوعات الموضة والمكياج وخلافه .
عدد الردود 0
بواسطة:
Aymen Hamed
سقطه اعلاميه
سياده الاعلاميه لا تعرف قيمه هذا الرجل ...ولديها نزوع للسيطرة علي الكاميرا وتعيد وتزيد في موقفها بدون اي اعتبار لهذه القامه التي تستضيفها لدرجه انها استفزته واستفزتني بجهلها
عدد الردود 0
بواسطة:
محمد ابو نانسي
بالذمة ده اسلوب مذيعة
ده مذيعة مستفزه جدا ده عاوزه تسأل وتجاوب وتدير الحوار طيب واستضفتوا الدكتور ليه علشان يبقي صورة يعني بصراحه مذيعة استفزتني انا شخصيا وانا مش طرف في الحوار
عدد الردود 0
بواسطة:
مشمش
المذيعه مستفزه...
😎
عدد الردود 0
بواسطة:
محلاوي
الست المذيعه المستفزه
شاهدت الحلقه وبدأت الاستفزاز بكلامها حضرتك مش قارد تستوعب الأسئله اللي أنا بقولها ودي مش مشكلتي دي مشكلتك ده علي اعتبار انها خبيره في التاريخ والتوصيف والاعلام والضيف مش في مستوي ثقافتها بالذمه ده كلام اعلام والا دي مذيعه تدير حوار مع قامه في غايه الأدب وفي التاريخ يجب غربله امثال هؤلاء من الاعلام وعرضهم علي الاستاذ مفيد فوزي لكي يعطيهم دروس في فنون اداره الحوار مع الضيوف ثم المصيبه الكبيره انها تميل الي رأي الاخ زيدان اللي شرد عرلبي وصلاح الدين ومش عارفين الدور علي مين سؤال أخير حد فاكر زيدان ده بتاع إيه اللي غاوي شهره علي حساب رموز الوطن امثال عرابي وصلاح الدين الأيوبي ده يتاع فلسفه مش بتاع تاريخ ارجوكم النشر لأني استفزيت مرتين الاولي من رأي زيدان والثانيه من جهل المذيعه
عدد الردود 0
بواسطة:
مشمش
بعد اجماع كل الاخوه على خطا المذيعه..التى تدعى انها اعلاميه...وهى فى الواقع ( ردحاويه )
اررررررجو...من اداره cbc.....ايقافها
عدد الردود 0
بواسطة:
محمد
قلة ادب ..
هذا نتاج تعيين الاعلاميين بناء على حجم الميك اب المضاف على الوجه وليس على حجم الثقافه والخبره والتعليم
عدد الردود 0
بواسطة:
ayman
مذيعة خارجة عن السيطرة
مذيعة فعلاً معصبه .. لا تدري لماذا ؟؟ مش عايزة توقف كلام .. لا تستطيع ان تجري حوار .. شوفولها شغلة تانية احسن ..تقدم برامج اكل يمكن تنجح او تغير اسلوبعا الغير مهني دة .. عندة حق الدكتور يشطها بعد كلامها دة ..