مصدر بـ"المترو": ارتفاع ديون الشركة لـ480 مليون جنيه بسبب فرق سعر التذكرة

الأربعاء، 04 يناير 2017 12:18 ص
مصدر بـ"المترو": ارتفاع ديون الشركة لـ480 مليون جنيه بسبب فرق سعر التذكرة المترو - صورة أرشيفية
كتب رضا حبيشى

مشاركة

اضف تعليقاً واقرأ تعليقات القراء

كشف مصدر مسئول بشركة المترو ارتفاع الديون المتراكمة على المرفق، نتيجة عجزه عن سداد التزاماته المالية الشهرية، إلى حوالى 480 مليون جنيه، وأن المرفق توقف عن سداد قيمة فواتير المياه منذ 8 شهور، كما توقف عن سداد فواتير استهلاك الكهرباء منذ فبراير 2015، لافتًا إلى أن الديون المتراكمة على المترو لصالح الشركة التى تقدم أعمال الأمن الإدارى على بوابات الدخول والخروج والنظافة بالمحطات، وصلت وحدها إلى 45 مليون جنيه.

 

وأضاف المصدر لـ"اليوم السابع"، أن شركة المترو توقفت عن سداد كافة مستحقات الجهات الحكومية لديها منذ 8 شهور، وأصبحت لا تسدد أكثر من 7 أو 8% من المستحقات الشهرية للشركات المتعاقد معها شركة المترو للقيام بأعمال الصيانة، سواء الإشارات أو الاتصالات، مستطردًا: "اللى له 30 مليون جنيه بنديله 2 مليون وبنأجل الباقى.. وبنشترى قطع الغيار بالدين معتمدين على اسم شركة المترو فى السوق".

 

وأوضح المصدر، أن المترو توقف عن سداد مستحقات الشركة التى تقدم أعمال الأمن الإدارى والنظافة منذ شهور، ولا تعطيه جزءًا محدودًا من مستحقاتها، لافتًا إلى أن شركة  المترو رفعت مذكرة إلى الدكتور جلال سعيد وزير النقل، لرفعها إلى مجلس الوزراء لطلب 30 مليون جنيه شهريًا فى حالة استمرار تأجيل قرار زيادة سعر تذكرة المترو.

 

وأكد المصدر، أن مرفق المترو اقترض 10 ملايين جنيه الشهر الماضى من هيئة السكة الحديد لتغطية العجز فى مرتبات العاملين، لافتًا إلى أن المرفق يقترض منذ 3 شهور مضت من هيئة السكة الحديد لتغطية العجز فى مرتبات العاملين بواقع 10 ملايين جنيه كل شهر، مستطردًا: "الوضع يزاد سوءًا يومًا بعد يوم بسبب خسائر المرفق الشهرية والعجز بين قيمة التذكرة وتكلفتها الفعلية".





مشاركة

اضف تعليقاً واقرأ تعليقات القراء



التعليقات 7

عدد الردود 0

بواسطة:

مواطن

وقفوا العمالة العاطلة والمستشارين وانتوا تكسبوا

راجعوا الميزانية والغوا الحاجات اللي ملهاش لازمة وهتكونوا كسبانين 70% من الميزانية للمرتبات ويا ريتهم عمالة فاعلة

عدد الردود 0

بواسطة:

mahmood el kady

القاهرة -عين شمس

كل الديون دية واحنا بإيدينا نشيلهوم فى ثوانى وذلك 1-عن طريق الاعلانات التى توضع على عربات المترو ولماذا لا يوجد اعلانات على عربات المترو كما كان فى الماضى. 2- عن طريق جعل الاذاعة الداخلية للمترو تؤجر لقنوات الراديوا . 3- ملىء محطلت المترو بشاشات الال ايى دى والاعلان عليها كما هو موجود فى ماتشات الكرة . 4- بناء اكشاك صغيرة فى فى المحطلت الكبرى مثل جمالى عبد الناصر وغيرها وتؤجر بملغ وقدروا. 5- اهم نقطة وهى المربحة فعلا الاعلان على تذكرة المترو من الخلف وتؤجر بالشهر لاى شركة بمبالغ وقدرها شهريا . وهذه الحلوب يمكن ان تطبق على اتوبيسات النقل العام .

عدد الردود 0

بواسطة:

amr

هل زيادة التذاكر الحل

لما تصلح الماكينات الاول وتمنع الناس اللى بتهرب اللى هتزيد بعد رفع التذاكر اهدار المال العام فى وضع شاشات وبعدين ازالتها فيه مقترحات كتير لزيادة الدخول للمترو من غير رفع السعر اللى مالوش لازمه ممكن حضراتكو تحطو شاشات كبيره 50 بوصه مثلا ورا الماكينات بدل اعلان ممنوع دخول بدون تذكره حضرتك الشاشات ديه تحطها فى المحطات السادات فوق وتحت ورمسيس والعتيه والمنيب وشبرا والمرج والشات الصغيره اللى فى المحطات وروح للمعلن قولو اعلانك هيشوفو اكتر من 2 مليون واحد فى ذات الوقت فى جميع المحطات وعندك التذاكر وهتلاقى ناس عندها افكار تانيه اكتر سيبكو من سعر اوروبا بكام عشان انا مش بقبض زيهم ولا بتدينى خدمه زيهم فككو بقا

عدد الردود 0

بواسطة:

خاطر

رفع سعر تذكرة الخطوط الجديدة

ارجوا رفع سعر تذكرة الخطوط الجديدة مع وضع هامش ربح للهيئة

عدد الردود 0

بواسطة:

عصام سعيد

عجبي علي المترو

احلي خبر 2017 المترو بيخسر اامال مين اللي بيكسب طبعا التوك توك واوبر وكريم

عدد الردود 0

بواسطة:

جلال عفيفي

غير صحيح يامصد ياللي مش مسؤول

زي ماحنا فاهمين المترو، السكة الحديد، مصانع القطاع العام "اللي كان قطاع عام" سر الخسارة هم المسؤولين والعاملين، مرتباتكم كبيرة ومبالغ فيها بالنسبة للمسؤولين، تعرف تقولي يامسؤول ياللي إنت مش مسؤول مرتبك كام؟ والحافز بتاعك كام؟ والسهر بتاعك كام؟ والسيارة اللي بتركبها علي حساب التذكرة بكام؟ والسائق الخصوصي بكام؟ والهبر اللي من العقود والمقاولين (إيشي كهرباء، إيشي قطع غيار، إيشي مدني، إيشي نظافة، إيشي فنطظيه....) تعرف تقولي كام ساعي بيخدموك (شاي، قهوة، عرق سوس، تمر هندي،....) تعرف تقولي كام واحد قاعدين قدام دورات المياه بتاعتكم في المبني المكيف، المؤسس زي شركات المترو الأجنبية اللي بتكسب مئات الملايين من الدولارات مش الجنيه العايم...تعرف تقولي كام موظف نايم عندكم في المكاتب، تعرف تقولي كام مستشار بيقبض وكم أهيف بيلهفه كل شهر دا غير البونص والأرباح (أرباح الخسارة) والمكافآت...تعرف تقولي كام رئيس مجلس إدارة للزير بتاعكم....تعرف تقولي كام ورقة تصوير خاصة بتتصور علي ماكينات التصوير بتاع الهيئة وكام كتاب وكام ملزمة في اليوم خدمة مجانية للعاملين عندك.....بعد ده كله وغيره جاي تقولي إنك خسران...........معندناش مانع تغلي التذكرة (إذا وافق البرلمان واللا اللي بيوافق) بس أؤكدلك إنك هتخسر برده لأنك إنت بتدور علي الشماعة بس مش علي الحلول...........زمش كده واللا إيه يامسؤوووووووووووووووووووووول

عدد الردود 0

بواسطة:

نبهان

زفع سعر التذكرة

يجب رفع سعر التذكرة لمواجهة الخسائر. مفيش دلوقتى فى مصر مواصلات بجنيه واحد بس !!!!!!!!!!!!!!!!!!!!!

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة