خالد صلاح

برعاية سوبر كورة

سوبر كورة

محمد صلاح العزب

محافظ القاهرة الجديد.. البس سيادتك علشان خارجين

الجمعة، 09 سبتمبر 2016 10:37 ص

مشاركة

اضف تعليقاً واقرأ تعليقات القراء

محافظ القاهرة الجديد.. البس سيادتك علشان خارجين

أهلًا وسهلًا يا أفندم والله، حللت أهلا، وكنت أحب أن أقول لك إنك نزلت «سهلا»، لكن لماذا نكذب على أنفسنا؟!.. أنا أعرف وأنت تعرف و15 مليون من سكان القاهرة يعلمون أن المحافظة التى ابتلاك الله بها أشبه بالخرابة.. مرور مشلول، وشوارع مليئة بالقمامة، وبنية تحتية متهالكة، ومخالفات بالزوفة، وعشوائيات  وأمن بعافيتين، وفساد حتى النخاع، وعدد قتلى طرق يومى ينافس أرقام ضحايا الحروب، وأنت فى النهاية مواطن غلبان، ولست سوبر مان، حاول تشتغل وربنا يقدرك، كلها كام شهر وهتبقى المسؤول الوحيد قدام ربنا والناس عن كل الكوارث دى، البس سيادتك علشان خارجين.
 
 

آه.. هو كله سلبيات

تنويه مهم، مادمت تقرأ هذه المقالات القصيرة، فأنت زبون هنا، ومن حق الزبون ألا يغشه صاحب الدكان، لهذا لن تجد هنا غشًا أو خداعًا أو تطبيلًا أو «تعريضًا»، الكلام هنا بنسبة 99% عن سلبيات، وانتقادات، لأننا نعيش، نعيش تحت الأرض، ونحلم أن نصل إلى مرحلة وش الأرض، لذلك إذا كنت تنزعج من السوداوية، الحل بسيط، روح اتفرج على التليفزيون المصرى، ، واشتغل نفسك، أما هنا فكله من نفس العينة، وأوعدك إن شاء الله لما نبقى زى دول العالم الأول هتلاقى كلام جميل عن جمال طائر السنونو، متضايق؟!.. متقراش تانى، اقف قدام المراية وقول مصر جميلة 10 مرات، وهتبقى كويس إن شاء الله.

 


مشاركة

اضف تعليقاً واقرأ تعليقات القراء

التعليقات 7

عدد الردود 0

بواسطة:

متابع

النقد البناء

استمر يا استاذ محمد فى كشف جوانب الخلل والفساد والاهمال الذى يعانيه المواطن المصرى فهذة هى مهمه الصحفى الواعى المهموم بقضايا مجتمعه , وسخر قلمك ليكون جرس تنبيه وانذار لكل مواطن باع ضميرة من اجل كسب مادى غير مشروع على حساب صحة ابناء الشعب او سلامتهم او امنهم او لكل مسئول اعتقد ان مهمته الجلوس فى المكاتب المكيفه ليصدر قوانين وقرارت وفرمانات اقل ماتوصف بة انها لاتصب فى مصلحه ابناءالشعب

عدد الردود 0

بواسطة:

ألشعب الاصيل

المحافظ

المشكله داءما أن المحافظ حافظ المنهج تماما ولا يعمل به

عدد الردود 0

بواسطة:

حسين سامى

إية المنطق الغريب دة

المفروض حضرتك تكتب بموضوعية مش لا بسواد ولا بياض مادامت لك مساحة و لك قراء فأنت ملزم بالصدق و الموضوعية لكنك ملزم نفسك بنقل السلبيات و تسويد حياة الناس وكما أنت تقول للمحافظ أنت وحدك ستحاسب على ماتكتب

عدد الردود 0

بواسطة:

عجيب

بورسعيد

خليك محضر خير ده هو اللى ماخر مصر يابيه

عدد الردود 0

بواسطة:

الأسواني الأصيل

إلى تعليق 4

يا استاذي إذا أردنا أن نتقدم ونصلح من حالنا فلا بد من مواجهة صريحة بدون تجميل وما كتبه هذا المحترم محمد العزب صحيح وأسلوبه راقي وأود أن يكتب أكثر وأكثر عن السلبيات لأنها بصراحة هي الطريق .للإصلاح إذا كنا جادين ..ياريت تكتب عن الوقت الذي لا قيمة له في مجتمعنا عن عدم مراعاة أبسط قواعد الذوق فيما نسمعه أو نفعله .اكتب عن لعب الكورة في الشوارع والصياح والورش وسط المساكن حتى الفجر . اكتب عن الزبالة التي اعتدنا عليها دون أنف أو جزع منها ..اكتب واكتب وربنا يوفقك ربما يأتي يوما ونصبح يوما مثل خلق الله المحترمين .. حتى ولو بدا الأمل مفقود

عدد الردود 0

بواسطة:

مجدي سعيد عيد

الفساد

سيدي المحافظ ارفع الظلم عن عمال هيئة النقل العام من رئيسها وانصف عمالها

عدد الردود 0

بواسطة:

تامر

الواقع كله سوداوية

أنا عايش على شارع الهرم وسط الزبالة والكلاب الضالة ، بتطاردني حتى مدخل العمارة والصبح بتستناني فوق العربية ، فيه سواد أكتر من كده ، بنتنفس زبالة وبنشرب مية بتجيب الفشل الكلوي وفاتورة كهربا كل شوية قد كده وتسأل ليه يقولك متأخرات ، هيا المتأخرات دي جت من فين إذا كنت بادفع الفاتورة كل يوم ، وعندي أولاد في المدارس ما بيتعلموش بنكلة والمدرس الخصوصي قصدي المدرسين ، بيحفظوهم الكلام في براشيم يدخلوا يطرشوها ساعة الامتحان وشكرا ، أكلمك عن الوضع الصحي والتأمين الفاشل والدكاترة المهملين لإنهم مش لاقيين ياكلوا ولا أكلمك عن أوضاع بتوع السياحة اللي بيشحتوا و بتوع الجرانيت اللي الدولة بالتعاون مع وزارة البيئة العظيمة دمرت صناعة الجرانيت في مصر ، مش لاقي بياض اكلمك عنه ، كله سواد في سواد

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة